深秋的某一個星期日黃昏,一班由中環碼頭開往長洲的渡輪上,有一個戴住墨鏡的男人,獨個兒坐在船尾的窗邊座位。他個子不高、頭髮凌亂,背著一部三年前Canon製造的單鏡反光相機,呆呆望著窗外。他緩緩的站起來,將背著的相機除下,並放到自己的座位上。自己則倚在窗邊,繼續若有所思地望著維港的景色。
由於是星期日黃昏,乘客不多,因此船上格外寧靜。涼風輕輕的吹著,伴隨著海浪聲,感覺相當放鬆。
突然的一句說話,好像提醒他是時候了。他一言不發,頭也不回,作勢爬出窗外,欲縱身投入這大海內。海叔即時本能地撲向他,盡力阻止他這一愚蠢的行為,他用粗壯有力的雙臂,緊緊的抱住這男子的雙腿。幸好海叔的機警,悲劇終於沒有發生。其他的乘客見狀,紛紛從座位上走過來圍觀,乘客們交頭接耳,議論紛紛。
一名少女Eunice首先開口道:「哥哥仔,睇你好眉好貌又有手有腳,因咩事咁唔珍惜自己條命呀?我阿婆又高血壓又糖尿病,都冇諗過去死喇。咩事都好,伸番個人入嚟先講喇。」
其他乘客亦附和勸說:「係喇,唔好做傻事呀,番入嚟喇。」
這男子聽到這麼多人關心自己,尋死的決心一瞬間冷卻下來,徐徐的將身體縮回船艙內,再自行坐回自己的座位上。乘客們見他的情緒開始平伏,大家亦自行回到自己的座位上,仿似什麼事也沒有發生過一樣。但海叔一點也不鬆懈,寸步不離地站在他的身旁,唯恐再生變數。
此時Eunice拿著自己的大背包走過來,坐在這男子的鄰座,並抬頭對海叔說:「老豆,你番去做嘢喇,有我睇住佢得喇。」
海叔向女兒報以一個微笑,揮一揮手後,急步走向駕駛室,向船長報告剛剛發生的事件。
Eunice開朗地說:「你好呀,你叫咩名呀?我叫Eunice呀,我而家讀緊副學士一年級,讀電腦同埋網頁設計呀。你唔好怪我多事呀,我剩係想幫吓你咋,你又年青又行得走得,做咩無端端自殺呀?」
這男子望著她說:「你幫我唔到嘅,不過都多謝你肯聽我嘅故事呀,Eunice。我叫Danny,我曾經係一個時裝雜誌嘅攝影師。但係而家,我連你嘅樣都睇唔到喇,剩係隱約見到你帶眼鏡,長長頭髮咁。」
Eunice年少無知地答:「而家天都黑喇,你帶住副太陽眼鏡,梗係睇我唔清楚喇。」
這男子慢慢除下墨鏡,用空洞的雙眼望著Eunice:「你而家明白喇。」
Eunice呆呆的望著Danny面上的兩個黑洞,仿佛被吸進去似的。沉默了數秒才懂得說話:「對唔住呀,Danny。我唔係有心咁講嘢,你唔好怪我呀。」
Danny深深呼了一口氣說:「唔緊要,我都習慣咗喇。醫生話,我而家嘅視力得番兩成。再過一排,我就會乜都睇唔到,剩係感覺到有光同埋冇光。以前………」
Danny開始將三年前自己的故事娓娓道來……
當年的Danny,有事業、有車、有樓,還有一個羨煞旁人的模特兒女朋友Mandy。他雖然讀書不多,但憑藉自己後天的努力,對攝影的天份及觸覺,終於成為一本時裝雜誌的chief photographer,他可算是一個白手興家的好例子。但他並不滿足於現狀,他當時的目標是在40歲前,成立一間屬於自己的公司。
待續...
攝影師盲咗,好似畫家跛手咁慘。
回覆刪除的確好慘,仲好無奈添。
刪除跛係一次性嘅意外做成,但係視力退化係情況慢慢轉差嘅,感到上比較難受一d
對呀,活在黑暗好慘。
刪除另外,我提議你可否取消留言驗證,這會譲人放棄留言。
視力有問題真係好慘,我真心佩服嗰d失明人士呀。
刪除留言驗證應該取消咗喇,我之前唔係好識用所以亂set咗呀,你下次留言時幫我金heck吓。
謝謝,之前驗證,試三次先有一次得:(
刪除yeah,成功咗~
刪除