整個故事由最初的構思、將原本的大綱推倒重來、再構思、寫作及校對用了接近三星期，寫作時間約三十多個小時，全篇大約一萬三千字，最後於十二月三十日早上完成。
「九死一生」是小弟第二部寫的短篇懸疑小說，第一部為「柒公民」。故事靈感來自「24個比利(The Minds of Billy Milligan)」。
最初計劃將「24個比利」和「柒公民」混合而寫成一個小品。內容講述一個殺人犯被捕後，在法庭上利用DID作為抗辯理由，最後經精神科醫生及心理學權威的證明下，獲判無罪。寫好大綱後，在十二月二十日改變主意，改頭換面而成為現在大家所讀的故事，這是小弟首次執筆寫一個多達10個角色的故事。
本想早些發表給大家閱讀，但礙於一月已經安排了「國境之南」，而我又不想在農曆新年的月份發表這重口味的故事，因此才將它延遲於今年三月發表。
希望本故事的結局能帶給大家驚喜及帶一點「意想不到」的感覺。今次的結局與以往的故事不同，並沒有讓大家「二選一」。如果不喜歡或不滿意這個結局，還望大家多多包涵，不要爆粗，哈哈。 :p
最後，小弟衷心感謝各位讀者，更要多謝曾經留言給我的朋友，你們的留言是對我的鼓勵，每天跟大家討論這個故事的劇情，已經成了我這個月生活的一部份，過程十分開心。
謝謝各位。 :)
真係估你唔到，咁出人意表的結局
回覆刪除多謝你寫這長篇，過程一定很過癮呢
多角色我控制不了，你好嘢！
哈哈，你都睇得過癮喇。我寫嘅時候都幾好玩o架，我係反覆喺讀者嘅角度睇，睇吓有冇咩嘢穿崩位，喺故事中嘅「夢境」同埋「現實」中改來改去。 :)
刪除多角色我都控制不得唔係咁好，所以用減少角色呢招(即係人物慢慢畀人ko)，掩飾咗自己嘅缺點。
呢個故事終於結束喇，我反而有D唏噓喎。 :o
無穿崩位。
刪除有產後抑鬱症?
是時候開支香檳賀賀佢
有少少喇，我自己幾滿意呢個故事，我怕下一個故事進步唔到，我技窮喇。:(
刪除哈哈，有D杞人憂天呀。 :o
哦~~超唔超越到前作..無所謂啦，只添加壓力，違背了寫blog原意。這紀錄了2013年你的想法，好中性，無話好與不好
刪除我相信你還有更好，到時你寫的時候就更有滿足感
我成日冇端端會畀D壓力自己。 :o
刪除講開我寫blog原意，最初真係冇諗過寫故事o架喎，世事真奇怪。
你有潛質呢，很多東西都要在不知不覺中發掘出來
刪除哈哈，我嘅潛質潛咗水，唔知游咗去邊樹。 :p
刪除出得咁快嘅，咪住，等我睇番18,19集先~~
回覆刪除請慢慢睇喇，唔急嘅。 :)
刪除有驚喜呀，好的開始就是成功的一半，加油~~
回覆刪除我諗結局係「驚」多過「喜」喇，哈哈。
刪除多謝鼓勵同埋睇晒成個故事。 :)
世純：
回覆刪除寫多重人格，我實在唔敢，因不容易處理．為何你會想到寫DID呢？
佛爺：
刪除你讀過心理學，係學術上係有一定包袱，而DID嘅理論又唔多，所以會有壓力。
至於寫作嘅靈感同動機，就係想寫一個多人物嘅故事，但係又唔想寫愛情嘅題材喎，咁無端端諗諗吓，諗起「24個比利」，咁咪落手寫囉。 :)
世純：
刪除測試精神病的問卷，主要是依靠美國明尼蘇達州立大學於1940年代研究出的MMPI 500．這一人格問卷於1989年作第二次修正．維基百科述說DID最多有4,500個「變樣」，我覺得失實，何以有這麼多？
順便一提，香港流行的九型人格，是不入正統心理學研究的，就好似講唐明皇和楊貴妃的閨房史咁，是野史，正統歷史書不會講的．
佛爺：
刪除4,500個「變樣」？意思係一個人可以有4,500個人格？咁真係冇咩可能喎。
「九型人格」之前喺香港興過一輪，當年在派對上，常聽到「我係2號，同你傾咗幾句，我估你係4號喇…」，呢D招數用嚟結識異性，打開話題的確一流呀。而我自己就覺得，呢個係一D商業技倆多D喇。
世純：
回覆刪除我睇完你這篇大結局後，唔係諗佐個性心理學的理論，而係諗佐「不正常行為」的內容，但就未提過咁複雜的人性，使我諗佐好多野．
佛爺：
刪除哈哈，估唔到我嘅重口味故事，可以令到你思考咁多嘢，咁我以後多D拋磚引玉喇。 :p
其實佛爺你可以用一D淺白嘅文字，寫多D心理學嘅入門理論畀大家長吓智識喎，好似你嘅「古令中外」咁，我實支持呀。 :)
佛爺一於寫心理學啦, 一定吸引
刪除不過唔好寫寫吓,又寫返上張床度喎
今次唔上大床，改為上佛洛伊德床。 :p
刪除世純：
刪除心理學理論，無乜人有興趣睇．反而對一些個別研究項目，就會有人有興趣．我還有一個新的性研究，未有時間寫．
亞洲人，尤其是女性，抑鬱焦慮症，高過西方人二至三成．我寫過這個題材，幾乎無人問津．華人對精神健康唔重視，亦都費事理．
「古今中外」是慘淡經營，只是供少部份有興趣的人遊覽，大部份人無興趣知道那些無用的知識，這是現實．
卡臣：
刪除我最近一集鹽花帖子，已經無上床喇，只喺在昴坪吊車嘅玻璃地板玩吓咋！嘻嘻！
佛爺：
刪除又有新嘅性研究，一定好有趣嘅。
佛爺、卡臣：
刪除呢排佛爺轉咗筆風，改為寫情故。唔知「性格就是命運」呢個情故，最後會唔會有鹽花呢。 :p
世純：
刪除新的性研究，係講避孕嘅．
「性格就是命運」不會有鹽花，會點到即止，或迂迴描寫，不會露骨的．
這個故事其中一部份情節，是根據愛情心理學的研究，寫完大結局我才會解釋．
佛爺：
刪除「避孕」呢個課題好有趣喎。
「性格就是命運」都係著重於內心嘅描寫多D，我諗就算有性愛情節，都只會輕描淡寫。
好呀，我鐘意睇「研究」嘅部份呀，可以分析到故事之餘，又可以學到嘢，大力支持呀。
呢個故事結束我都有D唏噓...其實精神健康真係好重要...
回覆刪除奕山：
刪除因為結局太過重口味，好人又冇好報，所以好負面。 :o