《命運劇場II第五集 – 使命》
 |
| 網上圖片 |
出現了「就是他」三個字後，George與Mary面面相覷，他們心知是「第三個隱形人」所作的好事。當兩人不知如何是好的時候，那隻無形的手指再次移動，接連的字慢慢出現，最後變為一首詩。
就是他媽的仆街，
你哋兩個正無賴。
道貎岸然呃房津，
人贓並獲莫抵賴。
詩成以後，那「神秘的第三者」先走到George和Mary的身旁，低聲說了一句：「歡迎加入隱形聯盟，又到咗警惡懲奸嘅時候喇，你哋等睇好戲喇！」
神秘人此時對著George和Mary陰笑，接著再寫下四個大字：
自！首！或！死！！！
很明顯地，這四字是寫給那兩位「真醫生偽君子」所看的。之後，他慢慢步回George和Mary的身邊，輕拍兩人的肩膀，留下一句「能力越大，責任越大」後便消失得無影無踪。而他剛才的一舉一動，正正演活了「替天行道」這四個虛無飄渺但字字鏗鏘的字。
George此刻緊握著Mary的小手，互相交換了一個堅定的眼神，情深地在書櫃側接吻。兩人像重生一樣，尋找到自己的使命，也發現了人生的意義。至於究竟是什麼原因令兩人走在一起；又是什麼原因令兩人獲得隱形的本領，這一切的問題對現在的他們來說都不再重要了。若然一定要找個答案的話，「緣份」一詞理應是最恰當的詮釋吧。
* * * * *
翌日報章頭條：
治癌勝手聯同腫瘤權威呃房津
廿年失眠良心責備終今晨自首
* * * * *
微涼的星期六早上，George和Mary肩貼著肩地坐在咖啡店的梳化上……
Mary唊了一口Caramel Macchiato，拿著智能電話雀躍地說：「George，你睇吓，yahoo新聞有得睇喇，Dr. Kwong佢哋尋日朝早去咗差館自首呀。」
George接過電話看了看回話：「係喎，等我睇吓仲有咩新聞值得我哋「關注」先......有喇有喇，刑事檢控專員預計會在三個月內對曾先生案作出決定喎。喂，不如今晚我哋去渣甸山畢拉山道嘅高級公務員宿舍參觀吓吖...嘻嘻...」
Mary咧嘴笑道：「都好，數吓佢屋企有幾多條bow
tie都好吖。」
《命運劇場II》全篇完
世純說：「我們不需要為每件往事尋因果，看清接下來該做什麼才最重要。」
到!
回覆刪除我已閱 :)
刪除好嘢! 回應返主題︰利用能力去貢獻社會，
回覆刪除仲有好多奸官廢官等收抬, 哈哈
微涼的星期六早上，George和Mary肩貼著肩地坐在咖啡店的梳化上……<---我懷疑呢一段係真人真事囉
我自己嘅想法係寫一個有少少特別嘅愛情小品，所以加咗「隱形」呢個原素入去。George和Mary一直係想貢獻社會，但最初諗唔到點做先啱，既然你第四集加咗另一個隱形人落去，我就順理成章喇。
刪除又真人真事？？？你知我通常寫嘢9成都係假o架喇。 :p
如果一対隱形情侶，其中一個好處是隨時隨地都可以搞嘢囉：）
刪除咁要環保唔戴先得喎，如果唔係會見到個domdom喺半空中郁來郁去。 :p
刪除就是他....都可以寫首詩，勁呀！
回覆刪除Jessica,
刪除我係咁啱諗到嘅啫，獻醜喇。
世純：
回覆刪除詩都咁粗俗，笑死我。嘻嘻！
佛爺：
刪除將就吓喇，我諗咗好耐o架喇。 :p
好耐無留言比你, 差啲做咗隱形人...^.^!
回覆刪除奕山,
刪除我自己都冇寫好耐喇 :)
聖誕快樂~~今年寫多D喇! 大家都渴咗好耐
回覆刪除卡臣：
刪除聖誕快樂，我收咗皮好耐lu，為大家解渴嘅重任就交畀你喇。
聖誕快樂呀!!
回覆刪除奕山:
刪除聖誕快樂 :)