2013年3月31日星期日

九死一生 - 後記


整個故事由最初的構思、將原本的大綱推倒重來、再構思、寫作及校對用了接近三星期,寫作時間約三十多個小時,全篇大約一萬三千字,最後於十二月三十日早上完成。

 「九死一生」是小弟第二部寫的短篇懸疑小說,第一部為「柒公民」。故事靈感來自「24個比利(The Minds of Billy Milligan)」。 

最初計劃將「24個比利」和「柒公民」混合而寫成一個小品。內容講述一個殺人犯被捕後,在法庭上利用DID作為抗辯理由,最後經精神科醫生及心理學權威的證明下,獲判無罪。寫好大綱後,在十二月二十日改變主意,改頭換面而成為現在大家所讀的故事,這是小弟首次執筆寫一個多達10個角色的故事。 

本想早些發表給大家閱讀,但礙於一月已經安排了「國境之南」,而我又不想在農曆新年的月份發表這重口味的故事,因此才將它延遲於今年三月發表。

希望本故事的結局能帶給大家驚喜及帶一點「意想不到」的感覺。今次的結局與以往的故事不同,並沒有讓大家「二選一」。如果不喜歡或不滿意這個結局,還望大家多多包涵,不要爆粗,哈哈。 :p

最後,小弟衷心感謝各位讀者,更要多謝曾經留言給我的朋友,你們的留言是對我的鼓勵,每天跟大家討論這個故事的劇情,已經成了我這個月生活的一部份,過程十分開心。

謝謝各位。 :)


28 則留言:

  1. 真係估你唔到,咁出人意表的結局

    多謝你寫這長篇,過程一定很過癮呢

    多角色我控制不了,你好嘢!

    回覆刪除
    回覆
    1. 哈哈,你都睇得過癮喇。我寫嘅時候都幾好玩o架,我係反覆喺讀者嘅角度睇,睇吓有冇咩嘢穿崩位,喺故事中嘅「夢境」同埋「現實」中改來改去。 :)

      多角色我都控制不得唔係咁好,所以用減少角色呢招(即係人物慢慢畀人ko),掩飾咗自己嘅缺點。

      呢個故事終於結束喇,我反而有D唏噓喎。 :o

      刪除
    2. 無穿崩位。

      有產後抑鬱症?

      是時候開支香檳賀賀佢

      刪除
    3. 有少少喇,我自己幾滿意呢個故事,我怕下一個故事進步唔到,我技窮喇。:(

      哈哈,有D杞人憂天呀。 :o

      刪除
    4. 哦~~超唔超越到前作..無所謂啦,只添加壓力,違背了寫blog原意。這紀錄了2013年你的想法,好中性,無話好與不好

      我相信你還有更好,到時你寫的時候就更有滿足感

      刪除
    5. 我成日冇端端會畀D壓力自己。 :o

      講開我寫blog原意,最初真係冇諗過寫故事o架喎,世事真奇怪。

      刪除
    6. 你有潛質呢,很多東西都要在不知不覺中發掘出來

      刪除
    7. 哈哈,我嘅潛質潛咗水,唔知游咗去邊樹。 :p

      刪除
  2. 出得咁快嘅,咪住,等我睇番18,19集先~~

    回覆刪除
  3. 有驚喜呀,好的開始就是成功的一半,加油~~

    回覆刪除
    回覆
    1. 我諗結局係「驚」多過「喜」喇,哈哈。

      多謝鼓勵同埋睇晒成個故事。 :)

      刪除
  4. 世純:

    寫多重人格,我實在唔敢,因不容易處理.為何你會想到寫DID呢?

    回覆刪除
    回覆
    1. 佛爺:

      你讀過心理學,係學術上係有一定包袱,而DID嘅理論又唔多,所以會有壓力。

      至於寫作嘅靈感同動機,就係想寫一個多人物嘅故事,但係又唔想寫愛情嘅題材喎,咁無端端諗諗吓,諗起「24個比利」,咁咪落手寫囉。 :)

      刪除
    2. 世純:

      測試精神病的問卷,主要是依靠美國明尼蘇達州立大學於1940年代研究出的MMPI 500.這一人格問卷於1989年作第二次修正.維基百科述說DID最多有4,500個「變樣」,我覺得失實,何以有這麼多?

      順便一提,香港流行的九型人格,是不入正統心理學研究的,就好似講唐明皇和楊貴妃的閨房史咁,是野史,正統歷史書不會講的.

      刪除
    3. 佛爺:

      4,500個「變樣」?意思係一個人可以有4,500個人格?咁真係冇咩可能喎。

      「九型人格」之前喺香港興過一輪,當年在派對上,常聽到「我係2號,同你傾咗幾句,我估你係4號喇…」,呢D招數用嚟結識異性,打開話題的確一流呀。而我自己就覺得,呢個係一D商業技倆多D喇。

      刪除
  5. 世純:

    我睇完你這篇大結局後,唔係諗佐個性心理學的理論,而係諗佐「不正常行為」的內容,但就未提過咁複雜的人性,使我諗佐好多野.

    回覆刪除
    回覆
    1. 佛爺:

      哈哈,估唔到我嘅重口味故事,可以令到你思考咁多嘢,咁我以後多D拋磚引玉喇。 :p

      其實佛爺你可以用一D淺白嘅文字,寫多D心理學嘅入門理論畀大家長吓智識喎,好似你嘅「古令中外」咁,我實支持呀。 :)

      刪除
    2. 佛爺一於寫心理學啦, 一定吸引
      不過唔好寫寫吓,又寫返上張床度喎

      刪除
    3. 今次唔上大床,改為上佛洛伊德床。 :p

      刪除
    4. 世純:

      心理學理論,無乜人有興趣睇.反而對一些個別研究項目,就會有人有興趣.我還有一個新的性研究,未有時間寫.

      亞洲人,尤其是女性,抑鬱焦慮症,高過西方人二至三成.我寫過這個題材,幾乎無人問津.華人對精神健康唔重視,亦都費事理.

      「古今中外」是慘淡經營,只是供少部份有興趣的人遊覽,大部份人無興趣知道那些無用的知識,這是現實.

      刪除
    5. 卡臣:

      我最近一集鹽花帖子,已經無上床喇,只喺在昴坪吊車嘅玻璃地板玩吓咋!嘻嘻!

      刪除
    6. 佛爺:

      又有新嘅性研究,一定好有趣嘅。

      刪除
    7. 佛爺、卡臣:

      呢排佛爺轉咗筆風,改為寫情故。唔知「性格就是命運」呢個情故,最後會唔會有鹽花呢。 :p

      刪除
    8. 世純:

      新的性研究,係講避孕嘅.

      「性格就是命運」不會有鹽花,會點到即止,或迂迴描寫,不會露骨的.

      這個故事其中一部份情節,是根據愛情心理學的研究,寫完大結局我才會解釋.

      刪除
    9. 佛爺:

      「避孕」呢個課題好有趣喎。

      「性格就是命運」都係著重於內心嘅描寫多D,我諗就算有性愛情節,都只會輕描淡寫。

      好呀,我鐘意睇「研究」嘅部份呀,可以分析到故事之餘,又可以學到嘢,大力支持呀。

      刪除
  6. 呢個故事結束我都有D唏噓...其實精神健康真係好重要...

    回覆刪除
    回覆
    1. 奕山:

      因為結局太過重口味,好人又冇好報,所以好負面。 :o

      刪除