2013年3月28日星期四

九死一生(17/19) – 拼死一搏


大門鎖上後,Amy即時為她急救。

Lily虛弱地跟她說:「唔好浪費時間喇,你救唔到我,我知我會死喺呢度。你哋仲有一線生機,快D帶埋個細路走喇。」

說畢,她便揚揚手。Amy於是拉著Nacy從接待處的側門逃出。在地下樓梯的轉角處,Amy拾起染上Jennifer鮮血的啤啤熊,交到Nacy的手中。

Amy極力壓抑自己的恐懼,對Nacy說:「Nacy你乖呀,呢條係我5號房嘅鎖匙,你幫吓姐姐保護啤啤熊先。好喇,而家你帶埋啤啤熊一齊走,入咗去房之後鎖好門,聽到咩聲都唔好出嚟呀,知嘛?」

說完之後,她們便一起走上2樓了。大約十多秒後,樓下傳來2聲槍聲,再過十多秒,再傳出連續3聲槍聲,之後,再次回復平靜。

回看在車上的Martin,他見大門關上,十分火光。於是便放下手中的散彈槍,拿起放在車頭的手槍後便下車了。他嘗試推門入內,但發現大門被鎖上,接著他便對著門鎖連開兩槍,再踢門而入。

他進入接待處後,看見Lily不動地攤在門邊。當Martin正要跨過她的時候,Lily突然張開眼睛,用她僅餘的生命拼死地抓住他的腿,希望為AmyNacy多爭取一分半秒。

Martin憤怒地說:「頭先單嘢都未罰完你,你而家又唔乖喇。」

他一邊說,一邊用手槍對著Lily的頭,連續開了3槍。之後,他便慢慢地探索14號房間,不消一會,他失望的回到Jennifer的屍體旁。找不到目標的Martin望著屍體發呆了一會,突然發現啤啤熊不翼而飛,直覺告訴他,啤啤熊應該飛了上2樓,於是他便心急的走上樓梯。

另一邊廂,Amy目送Nacy入房後,便到大廳內找尋剛才煮食時用過的菜刀。她把彈簧刀收於後褲袋,雙手緊握菜刀,埋伏於活動大廳的門後,打算與Martin死拼。等了沒多久,她聽到腳步聲從地下樓梯慢慢傳上來,再傳到大廳的門外。


待續


8 則留言:

  1. Martin手上有槍,Amy只得刀,較為輸蝕,但仍要與Martin拼個你死我活,有膽色!

    回覆刪除
    回覆
    1. Jessica,

      人喺冇退路嘅時候,一係消極地選擇自殺,一係積極地把握自己手上所擁有嘅一切,盡地一鋪搏一搏。而Amy就係後者喇,佢係一個好正面嘅人嚟o架,下一集佢為咗生存,佢會好進取。 :o

      劇透少少嘅題外話,Martin手上嘅左輪手槍,頭先一共開咗五槍,而家剩番一發子彈咋,究竟呢一粒子彈會點用呢,下集就會交待喇。 :p

      刪除
  2. 馬田比人暗算,雖然佢有槍,但可能兩敗俱傷.

    回覆刪除
    回覆
    1. YES,Amy成功伏擊Martin,不過...... :o

      刪除
  3. 好嘢!由一個弱女去反擊,充滿戲劇性
    如果故事咁重口味,我估amy切了martin絛J, 哈哈!

    熱烈期待下集,點兩敗俱傷?

    回覆刪除
    回覆
    1. BINGO~~~ :D

      Amy喺下一集真係幫Martin去勢呀,不過唔係用刀切,哈哈。 :p

      你果然係了解作者嘅思維呀,下集仲有20分鐘就出街喇。

      刪除
    2. 又會俾我開口中喎!買六合彩先

      刪除
    3. 哈哈,祝你中頭奬喇。不過,中咗奬記得攞D錢嚟派街坊喎。

      刪除