2013年3月8日星期五

九死一生(6/19) – 其他人


Tom揮手道別後,Amy獨自拿著背包,拖著疲憊的身軀步上2樓,返回自己的房間。經過活動大廰時,見到一個接近40歲的男人在喝湯和吃麵包,大家點頭打個招呼後,Amy便繼續回房去。

回到房間鎖好門窗後,她第一時候脫下外套,計劃享受一個熱水浴後才到大廳會合Jennifer兩母女。她脫掉內衣時,聽到由細至大的呼喊聲,音量此起彼落,全沒間斷。她一邊洗澡、一邊細心聆聽這些聲音。

後來她聽懂了,這些聲音來自隔壁的房間,是一個女子的叫床聲,明顯地,一對年輕男女正在6號房間進行激烈性運動。這些聲音令到Amy心癢難耐,即興地自我安慰一番。

另一邊廂,Jennifer拖著女兒回房間去,放下行理便幫Nacy洗臉洗手。簡單清潔之後便離開房間,打算到接待處買點食物後便到2樓等Amy了。剛離開房間,看到Tom背著自己步向四驅車,她再次向Tom揮手道別,可惜風雪太大,他完全聽不到。她們經過接待處時,見到一個老女人四處張望,在尋找什麼似的。這老女人叫Lily,大約60多歲,身形肥胖,架上老花眼鏡,束著一條白中帶金的馬尾。

Lily開口對Jennifer說:「今晚好凍呀,呢度D暖氣唔多夠,我諗住問Simon攞張被,點知佢又去咗蛇王,唉。你哋兩母女啱啱嚟,今朝都唔見你哋?」

Jennifer與女兒及Lily坐在接待處的椅子上,慢慢的交談起來,她簡單告訴Lily如何來到這裡,大約5分鐘後,她們見到Simon拿著幾包即食麵及罐頭回來。

Lily開口對Simon說:「又走咗去蛇王呀你,今晚好凍呀,呢度D暖氣唔多夠,有冇多張厚被呀?」

Simon帶點抱怨回答說:「邊得閒蛇呀,頭先嚟咗幾個人,啱啱先招呼完。你睇,啱啱先攞咗D嘢食番嚟過呀。Lily你番房先喇,唔好凍親呀,我一陣親自攞張被畀你喇,你住1號房吖嘛。」


待續


30 則留言:

  1. 又多一個犧牲者,60歲老太婆無咁易死,仲會重撃敵人添呀,我根據一般電影程式,跟本故事無關

    回覆刪除
    回覆
    1. 哈哈,而家所有主角都出過場喇,好快就上演大屠殺 :o

      至於Lily,佢係好易死,畀人重擊就真 :(

      刪除
    2. 玩得大屠殺,點會求其凍死咁便宜呀,如果做事咁揦篩,會畀人罰o架 :p

      刪除
    3. 我講笑啫,應該老樹開花,60歲遭摧花

      刪除
    4. 果然夠重口味呀,你接受程度咁高,好適合睇呢個故事 :)

      刪除
    5. 哈哈!希望夏惠姨演這角色

      刪除
    6. 咁我book定你同佢做對手戲喇喎,到時唔好咋肚痛走咗去呀 :p

      刪除
    7. 嘩! 我要搵十二生肖造型去襯佢呀!

      刪除
    8. 好吖,難得你一個人做晒12個角色,一於開套「九死一生外傳 - 十二神獸巫山降魔篇」畀你。

      我今次想做動指,搵佛爺嚟編劇,哈哈 :p

      刪除
    9. 佛爺編劇? 如果唔搵周秀娜做女主角,套戲就蝕梗

      刪除
    10. 哈哈,搵埋爆炸糖仲好 :p

      娜姐除咗肯露肯摶之外,佢eq同iq都幾高,同一般o靚模唔同。

      刪除
    11. 卡臣:

      「佛爺編劇? 如果唔搵周秀娜做女主角,套戲就蝕梗」

      哈哈哈!點解蝕梗?淡過頭?或是鹹過頭?嘻嘻!

      刪除
    12. 我估係因為佛爺呢排改咗寫純情故仔,佢驚I級電影冇成人觀眾入場。 :p

      刪除
    13. 世純:

      哈哈!我唔係驚得來無預感,一級戲真係無哂成人觀眾入場.成人觀眾係度睇緊D舊鹹戲呀!嘻嘻!

      算喇!近排真係鹹到苦,想清淡一下.嘻嘻!

      刪除
    14. 佛爺:

      間唔中清淡吓,對肚胃都好D喇 :)

      刪除
  2. 嘩!呢一集好似睇緊鹹片咁!嘻嘻!

    我不記得是去年或前年,有一名十五歲黑人男仔,走入老人院,強姦一名八十五歲的阿婆.警察根據閉路電視,捉到佢.

    我諗,判佢入教導所,教佢乜野好呢?

    回覆刪除
    回覆
    1. 佛爺:

      我輕輕一句「即興地自我安慰一番」咋喎,咁快引嚟大家嘅無限幻想 :p

      我諗唯一可以教佢嘅係「老唔老以及人之老」。

      唔知呢位黑人男仔嘅祖母、外祖母等同類型嘅長輩,於案件發生之時是否健在呢?

      刪除
    2. 世純:

      「我輕輕一句「即興地自我安慰一番」咋喎,咁快引嚟大家嘅無限幻想 :p」
      鬼佬鹹片開始時,好多時都係個鬼妹在自我安慰.

      「唔知呢位黑人男仔嘅祖母、外祖母等同類型嘅長輩,於案件發生之時是否健在呢?」
      我唔知道,因加拿大保護十九歲以下少年罪犯,不可公告其姓名或透露個人身世的任何資料.

      刪除
    3. 佛爺:

      我比較少留意西方電影,我鍾情於日劇多D,嘻嘻 :p

      唉,治亂世用重典,呢D咁嘅犯人應該「去勢」 :o

      刪除
    4. 我要澄清一下,我無睇西方電影,我只係睇西方鹹片咋!嘻嘻!

      刪除
    5. 唔駛澄清喇,從你留言之中嘅字裡行間,我己經心神領會咗喇,哈哈 :)

      刪除
  3. 我住過YMCA,真係凍到飛起,仲要得一張薄被.

    回覆刪除
    回覆
    1. 係呀,其實汽車旅館嘅佈局,同我當年去過嘅青年旅舍差唔多,嗰度嘅設施實在係少得可憐呀,唔知而家有冇改善呢。

      刪除
    2. 羊毛出在羊身上,房租平咁多,邊有得改呀!

      有朋友住過平價汽車旅館,沖涼D熱水,同凍水無分別.

      刪除
    3. 當然喇,平嘢冇好,呢D錢真係唔慳得呀。

      刪除
  4. 以純,
    記唔記之前咪問過有關網誌留言問題,當時真係無辦法...最後我按下'問題回報'個制通知咗谷歌有關問題,今日終於見到我有個留言位置...不過較舊文章都仲係無留言位置...電腦呢家嘢真係...
    另外,聽講好快就上演大屠殺...命中注定有時真係無陰功,唯有惜目以待好了**!

    回覆刪除
    回覆
    1. 奕山:

      係呀,大屠殺嚟緊o架喇。通常暴風雨嘅前夕係最平靜嘅,等呢班人安穩多一陣喇。

      哈哈,其實係我冇陰公,寫咗個咁殘忍嘅故事 :p

      刪除
  5. 世純:

    我係自己個blog到,話暴風雪開完長途車,唔會自我安慰,不是存心窒你.只是開玩笑,比錢叫「免費雞」唔好搞佢.若有誤會之處,請諒!

    回覆刪除
    回覆
    1. 佛爺:

      哈哈,你過慮同埋客氣喇,我當然冇誤會,我明白你係講笑,大家吹吓水咁之嘛 :)

      刪除