2013年3月4日星期一

九死一生(3/19) – 戴手鈪的人


最後,Tom決定先載她們到旅館,再自行在那裡進行補給及利用旅館的固網電話聯絡上頭解釋情況。於是,Tom協助她們簡單收拾行裝後,便與她們一同回到四驅車內,臨行前再三叮囑她們,切記不要與車上的另一男子說話。

現在,四驅車上多了3個人,為之前沉寂的車廂添上一點點人氣。Amy坐在Tom的鄰座,她主動地與Tom打開話題,但由於他要專心駕駛,所以他只是作出簡單回應。而Jennifer和女兒Nacy則坐在後座,隔離便是Martin


自從她們三個上車以後,Martin便目不轉睛地注視著Jennifer的胸部若有所思,雙手放於兩腳當中,從沒離開過並露出猥褻的微笑。Jennifer為了不被他一直視姦,索性面向另一邊,消極地被避免他的目光,眼不見為乾淨。 

Nacy吃完餅乾以後,開始精神起來,四處張望。

Nacy輕聲地在媽媽耳邊說:「媽咪你睇吓,呢個叔叔戴住隻好閃嘅手鈪呀,好靚呀,我又想要。」

Jennifer聽完之後,下意識地望向Martin的雙手。她發現他的雙手被扣上手銬,有一條鎖鏈繞過手銬並從中間伸出,連接著地上,將他的雙手牢牢的鎖在座位上。

此刻,她的內心十分疑慮,究竟駕駛座上Tom是什麼人?而坐在隔離的又是什麼人呢?她們有否上錯這車呢?

Jennifer一邊安撫Nacy,叫她不要亂說話,一邊低頭地想著。大約15分鐘後,四驅車慢慢停了下來,她抬頭一看,見到一間旅館座落在眼前。她當時心中鬆了一口氣,因為她與女兒很快便可離開這個車廂。


待續


14 則留言:

  1. 唔通亞Tom係'摩登捕快'...

    回覆刪除
    回覆
    1. 利害呀,你講中咗,佢喺一個探員 :)

      刪除
  2. 與囚犯同車,咪話唔驚,點知會唔會變人質,

    回覆刪除
    回覆
    1. 係o架,萬一咁唔好彩,變咗人質嘅話,咁就真係九死一生,聽天由命喇 :o

      刪除
    2. 戴手鈪的人<---原來指囚犯,你幾幽默喎

      刪除
    3. 哈哈,當你代入番Nacy(7歲嘅女孩,好奇,啱啱開始貪靚),你都可能以為嗰個手銬係手鈪嚟o架 :)

      如果當初喺「序」度寫「戴手鈪的人」,咁大家咪喺第一、二集度估到Martin喺囚犯囉,咁咪少咗dd冇驚喜囉,嘻嘻 :p

      刪除
    4. 我雖然有睇題目,但都估唔到,想像力不足

      刪除
    5. 其實有部份題目係諗過嚟嘅,有D係刻意誤導人嘅 :)

      好似「司機」、「打獵」、「煙火」等,慢慢睇落你就知o架喇 :p

      刪除
    6. 好嘢,咁我諗相反可能中。

      刪除
    7. 咁畀個方向你諗喇,希望你估得中。 :)

      好似第一集嘅題目咁,Tom嘅真實職業唔係「司機」,但係佢又做緊呢樣嘢咁喎 :o

      至於「打獵」同埋「煙火」,當事人時並唔係真正做緊「打獵」同埋「煙火」,但係佢又好似做緊呢樣嘢咁喎 :o

      不過,「車震男女」呢一集,呢對男女就真係喺車廂內性行為喇 :p

      刪除
  3. 汽車旅館距離現場一小時車程,落著大雪,竟然只行了十五分鐘?黑店?

    你咁描寫,我以為馬田在打飛機添.嘻嘻!

    回覆刪除
    回覆
    1. 佛爺:

      你睇得好仔細呀,連時間都有留意到,不過係我上文表達得唔清楚,令你誤會咗 :)

      解說:
      Tom是一名探員,他駕著性能良好(連無視線都裝埋)的四驅車運送Martin,當時由現場至汽車旅館總共用了45分鐘。而他們真的去了Amy手中地圖所標示的汽車旅館,不是去了中途的其他黑店。當時Nacy只係喺Jennifer嘅車內食咗10分鐘餅乾,所以上四驅車嘅時候繼續食。食完已經係過15分鐘喇,咁四圍望咗10分鐘,再開聲同媽媽講嘢,再加埋Jennifer諗嘢嗰15分鐘,咁時間咪差唔多囉 。

      我估你猜想未來的劇情為:去錯黑店,遇上殺人狂,最後九死一生。

      另外,Martin嘅猥瑣動靜,係刻意寫嚟誤導人嘅。但佢其實好想撲埋去搞佢,但係被人鎖住雙手,而家只能隔靴搔癢,實在難忍呀 :p

      刪除
    2. 我生活在冰櫃王國,邊會唔留意到雪地行車呀!

      刪除
    3. 小弟冇車牌,又未去過落雪嘅地方,兩者都係靠想像,難免有時露出馬腳,哈哈 :p

      刪除