2013年3月2日星期六

九死一生(2/19) – 分叉路上


車窗打開後,他見到前座坐著兩個女子。坐在駕駛座的叫Jennifer32歲,外貌普通得來帶點落寞,看上去有點神經質。另一名女子叫Amy26歲,樣子娟好,笑容甜美,屬樂於助人的一類。後座坐著一個女孩叫Nacy,年約7歲,雙手抱著雪白的啤啤熊,嘴巴扁扁,睡眼惺忪,一看便知她剛睡醒。

Tom說:「睇嚟呢場暴風雪仲會持續一段時間,我見你哋打咗死火燈,於是過嚟睇吓,你哋call咗人嚟幫手未?」

Jennifer不知所措的回答:「我哋試過喇,呢度收唔到網絡,連緊急求助電話都打唔到呀。我諗可能係大風雪影響咗發射站呀。我哋喺車度坐咗個幾鐘喇,完全冇人經過,我囡囡開始肚餓喇。」

Tom接著說:「我車上有無線電同埋少少乾糧,你哋等我一陣喇。」

說完後,兩女向他點頭示好,Tom便走回四驅車的駕駛座內。他先回頭看一看Martin,之後便開始操作無線電。他一邊尋找可用的頻道,一邊從車頭的儲物箱中取出餅乾和蒸餾水。弄了10分鐘,仍然什麼也接收不了。他現在唯有走回私家車那邊,向她們交代現況及遞上食物。Jennifer接過餅乾後會便轉身交給後座的女兒,Nacy便大啖大啖的吃著。

Amy此時拿著地圖向Tom說:「我知道呢度附近有間汽車旅館,大約一個鐘頭車程,你順路車我哋過去嘛?我哋去到嗰度就安全,可以等風雪停咗先諗辦法走。」

Tom心想:「大家都唔同路,車佢哋去再番轉頭,氣油可能唔夠,又延誤咗時間,到時送唔到Martin去目的地就賴硬嘢。但係留呢三個人喺度,又驚佢哋有事。而家無線電又用唔到,問唔到老細點搞好。咁究竟點算好呢?」


待續


26 則留言:

  1. 人生交叉點,幫人定做嘢先?
    唉...

    回覆刪除
    回覆
    1. 哈哈,當然係幫人喇,唔係點會有戲做喎 :p

      不過,如果我係Tom嘅話,我就未必會幫喇 :o

      刪除
    2. 如果在大陸就咪邦,太多騙子了。

      刪除
    3. 梗係死都唔停車喇 :p

      我聽過有人刻意掉個死X出嚟,之後屈個司機撞死嘅,跟住慢慢屈錢。

      X你自行代入喇,可以係貓貓狗狗,甚至係……

      刪除
    4. 我一早就讚你填充題做得好o架喇 :)

      刪除
    5. 果然大陸乜都有味喎...京京

      刪除
    6. 唔知喺邊度聽過一句說話:

      「除咗騙子係真之外,強國冇嘢係真嘅。」

      刪除
  2. 挑起條筋喇,等睇下一集!

    回覆刪除
    回覆
    1. 咁快就挑起條筋上咗釣,實在太好喇,哈哈 :p

      刪除
  3. 世純
    希望亞Tom好心有好報啦...
    另外你上次問過我留言...我最近有搞過我個blog留言設定, 不過唔知點解仲係見唔到有留言位置... 唔緊要啦, 我個blog都應該無乜人睇**!

    回覆刪除
    回覆
    1. 奕山:

      呢個世界好人未必有好報,起碼故事中嘅Tom冇喇 :(

      以下係我自己個blog嘅設定,希望幫到你喇 :)

      設定 --> 文章及留言:

      留言位置 ? [嵌入]
      誰能留言? [任何人-包括匿名使用者]
      留言管理 ? [永不]
      顯示字詞驗證 ? [否]
      顯示反向連結 ? [顯示]

      刪除
  4. 世純,
    謝謝呀... 跟足你設定試吓先:)

    回覆刪除
  5. 奇怪,百思不得其解...仲係唔得:(

    回覆刪除
    回覆
    1. 咁呀,真係唔知點解喎 :o

      不過,你可以試吓由頭set多一次個「範本」,睇吓得唔得吖。

      刪除
    2. 世純,
      謝謝幫忙...不過又搞咗成晚...正式宣布投降啦**!
      一於專心等你下一個故事:)

      刪除
    3. 電腦呢家嘢,有時真係莫名其妙嘅。

      多謝支持,明天17:00出第3集喇 :p

      刪除
  6. 我諗起上一個冬天的一場大風雪,在多倫多至尼加拉瓜瀑布的高速公路,近瀑布的一段,三百多架車被困兩至三天.事後在距離現場五十公里的地方,找到一名被凍死的司機.

    回覆刪除
    回覆
    1. 個司機諗住步行離開去求救?唉,咁佢低估咗天氣喇。

      我諗佢應該係冇足夠嘅保暖衣物,同埋唔係食飽先開始行,仲要單獨一個人添。

      咁好容易體力不支o架,到時一暈低咗就係咁先喇 :(

      刪除
    2. 三百多架車被困,怎會無人理?那個司機簡直黐線.若果不是溶雪,根本無人知佢死佐係邊度,只係知道佢留佐架車係高速公路上.

      刪除
    3. 個司機係欠缺常識,同埋做事前冇經大腦思考過。不過咁就冇咗條命,咁就真係慘D :o

      刪除
    4. 我估他是一個身體非常強壯的人,才可徒步在雪地行了五十公里,太過自負誤了他的性命.

      風雪到來時,平常大半小時的行車時間,也要花上三個小時,更何況是依靠雙腿而走.

      刪除
    5. 一般人嘅均速係一個鐘4公里,假設受大風雪影响,速度減半,加上不停咁行,都要行20幾個鐘喎。

      我都同意你講法,可能佢係軍佬,自以為體力同意志力可以撐過去。

      刪除
    6. 我不知道人的平均時速為四公里.我試過在雪深幾乎及膝的高速公路旁行過四十五分鐘.入到室內,買了一杯熱咖啡,一下子飲盡,完全不覺得咖啡是熱的.

      刪除
    7. 你都好勁喇,行45分鐘咁耐 :o

      我估喺咁深雪嘅地方行,辛苦嘅程度應該超過攞住兩包米上樓梯呀。

      刪除