2013年3月26日星期二

九死一生(16/19) – 認得他嗎


突然之間,Martin從後座彈了出來,右手拿著刀子放在Sean的頸項上,左手輕撫他的臉。

Martin裝作友善的說:「我等咗你好耐喇,你知唔知呀,等咗咁耐,差D悶死我喇。嘩,你都幾識做喎,帶咗枝手槍畀我做見面禮喎,你點知我鍾意燒槍嘅,哈哈。其實呢,我坦白同你講吖,我都唔想亂殺人嘅,如果你乖乖哋話畀我知你而家喺度做緊咩,我就放過你喇。」

Sean為求自保,只好和盤托出:「你要講過算數呀,其實我哋4個打算逃離呢度。首先,我就走過嚟攞車喇,之後就駛去旅館正門,當佢哋3個見到我個樣嘅時候,就即刻開門衝上車,之後我哋就開車離開呢度囉,就係咁喇。」

Martin突然義正詞嚴的說:「你知唔知呀,你咁樣賣友求榮係唔啱嘅,我最憎人出賣朋友嘅,你呀,冇得原諒呀。」

說畢,他左手蓋著Sean的口,再右手一拖,Sean的喉嚨便被他割破了。接著,Martin將他拉出車外,廢勁地將他的頭顱割了下來。換上他的外套後,Martin便坐到駕駛座上,用熟練的偷車技巧,轉眼間便將引擎起動了。他打算扮成Sean的樣子,給她們一個驚喜。現在,他緩緩的將輕型貨車駛至旅館正門。

Lily見到輕型貨車駛至門前,便急不及待地開了門,而Amy亦拖著Nacy隨後跟來。正門打開之後,Martin先從車廂內拋下Sean的頭顱,接著高舉散彈槍。Sean的頭顱剛巧打到Lily的臉上,她整個人失去重心,跌坐在地上,而頭顱則落在她的兩腿之間。

Martin大笑說:「你呢個阿婆吖,佢咪同大家一早夾好囉,要認得佢個死樣先好開門吖嘛,唔好見到有車嚟就求其開門,咁樣好易中計,你知唔知呀?你做事咁揦篩,要罰呀。」

說完之後,Martin對著Lily的腹部連開兩槍,散彈槍的子彈打完後,Martin打算取出手槍繼續罰她的時候,Amy機警地將她拉後,再把大門關掉並鎖上。


待續


6 則留言:

  1. 回覆
    1. 係呀,就嚟大結局喇嘛。所以Martin要快D手,嗱嗱聲搞掂佢哋,唔阻大家收工吖嘛。 :)

      刪除
  2. 我就唔覺得Sean死在賣友求榮,因變態佬,對佢講真話,或者是假話,他聽完之後,都會鋸低Sean架喇!

    回覆刪除
    回覆
    1. 佛爺:

      你講得好啱呀,無論Sean答乜嘢,Martin都會搞掂佢嘅。

      不過我寫Martin用呢個「賣友求榮」藉口去殺Sean,係想突顯出變態佬喜歡將「歪理說成道理」,再把持住呢D「道理」,去滿足自己同埋指責別人。

      又好似Lily咁吖,Martin會用佢認為嘅「做事揦篩」作為藉口,去「罰」佢囉。

      刪除
  3. martin 好有「丁蟹」feel, 最叻「歪理說成道理」,尢其他說要去罰人,他執行法官的角色去定人罪,真係心都寒呀,

    閂門都無用,想飛就得啫

    回覆刪除
    回覆
    1. 哈哈,所以丁蟹都係變態o架囉,當掉垃圾咁,掉晒D仔落街。

      係呀,呢集佢罰完Sean再罰埋Lily,哈哈。 :p

      刪除