2013年3月20日星期三

九死一生(13/19) – 煙火


Tom聽到呼救聲,即時從枕頭下取回佩槍,極速地穿上外套便衝出房間。他第一時間望向四驅車,他隱若的見到有個人坐在裡面,心中安穩了一點。至於其他人亦起身走出房間,看過究竟。Tom是第一個發現Jennifer的人,他竭力為她止血,可惜都已反魂乏術了。各人陸續集中於地下的樓梯之間,Nacy看到媽媽死了,不禁大哭起來,AmyLily兩人左右伴著她,不停安撫她。

TomSimon說:「所有住客係咪得我哋幾個呀?」

Simon回答:「唔係呀,仲有一對情侶呀。」

Tom緊張的說:「佢哋住邊間房,你即刻去攞後備鎖匙之後帶我去。」

Sean接著說:「對情侶住我隔離,樓上6號房呀。你哋兩個上去睇,我留低喺度陪住佢哋三個喇。」

之後Simon衝進接待處,打開鐵櫃上的密碼鎖,取出6號房間的後備鎖匙,順手地取出櫃內上格的左輪手槍和子彈。到了6號房間的門口,Simon多次敲門也沒有反應,最後便用後備鎖匙將門打開。Tom一看到床上那條的女屍,即時奪門而出。

Tom邊跑邊回頭叫說:「Simon,你快D入好子彈,之後帶埋佢哋幾個留喺接待處,鎖好門窗,有咩事都唔好出嚟呀。仲有,除咗我之外,有咩人入嚟都即刻開槍射佢呀,記住呀。」

Simon目定口呆的望著床上,腦海一時反應不來。過了一會,他才照著Tom的意思做。他跑到樓下,緊張的叫SeanAmyLilyNacy一起走進接待處,並將旅館正門及接待處的側門鎖上。

至於Tom,他直奔向四驅車,因為他現在幾乎肯定車內坐著的人不是Martin。當他走到四驅車旁,打開車門之時,他從後被人潑得全身濕透(註1)。他本能地轉身向後望,Martin正站於他不遠處,微笑著向他揮手後,便將擦著的打火機(註2)投向他。

不消一秒,Tom成了一個人型煙火……




註:

1.汽車用輕柴油的凝固點可低至負50度,因此上文中的柴油雖然被放置於暴風雪的環境中,但仍沒有凝結成為固體。

2. Zippo打火機的設計特別,一經點燃後,即使鬆開打火的位置,火焰也不會熄滅。因此Martin能如上文所述般,輕鬆地拋出打火機,將Tom變為「人型煙火」。


待續


16 則留言:

  1. 好科學呀你,加上注解。

    嘩~~燒死好痛架,雖則地上有雪可以滾地,不過都死得啦
    唉~~SIMON呀...你都大鑊啦

    回覆刪除
    回覆
    1. 哈哈,我估其他人對呢兩點會有疑問,所以加番註解囉。

      Tom親自做完煙火表演,咁就拜拜咗喇。 :o

      都話你勁喇,連下一個受害者係Simon都估得到。

      刪除
    2. Simon有槍,當然要剷除佢,之後眾人手無寸鐵,幔幔玩

      刪除
    3. 係呀,所以Simon喺下一集去「打獵」囉。

      刪除
    4. 係呀,不過佢都算死得刺激喇。 :p

      刪除
    5. 我那邊浪漫,你這邊血腥,真是多元化

      刪除
    6. 吸引唔同嘅讀者群嘛 :)

      刪除
  2. 最尾一幕...一路睇一路想像用遠景慢鏡拍...而Martin仲用支長槍向火人亞Tom連開幾槍,以宣洩對Tom不滿...效果係火人身上不時會有血噴出...好有吳宇森feel個種...
    加小小想像力,好睇過好多電視劇...謝謝創作**!

    回覆刪除
    回覆
    1. 奕山:

      多謝你嘅意見先,你呢一幕我寫嘅時候真係有諗過,畫面係正好多,但係我感覺上表達唔到martin嘅痴線。

      我哋正常人會咁樣發洩,好想親手打多佢幾拳。但係Martin係變態嘅,佢鍾意慢慢欣賞Tom被火燒,自己喺側邊睇。

      如果用槍,Tom好快就死咗,唔夠痛苦呀。

      刪除
  3. 世純:

    這一集寫得好傳神,直頭好似身歷其境咁.

    回覆刪除
    回覆
    1. 佛爺:

      未來幾集都會用呢個手法寫,希望大家好似睇緊戲咁。 :)

      刪除
  4. 真係好似睇緊戲咁...我建議熄燈睇...效果更佳:)

    回覆刪除
    回覆
    1. 好呀,如果呢套係3D戲仲激呀,Polly嗰一幕D內臟飛來飛去呀,哈哈。 :p

      刪除
    2. 諗諗吓,睇4D仲正喎。 :o

      可以有大風吹,又喺天花板度噴D水霧落嚟,仲可以放D血腥味嘅香水。

      再搵間bar做sponsor,入場前派番杯bloody mary,正呀! :p

      刪除