2013年3月14日星期四

九死一生(10/19) – 車震男女


回看Tom那邊,他拿著食物走到四驅車的前座,轉身向Martin遞上食物。

Tom不耐煩的說:「呢度係得呢D嘢食咋,你鍾意就食,唔鍾意就算。仲有呀,唔好玩嘢呀。」

Martin輕挑的答:「阿Sir,你唔係打算成晚鎖我喺車度呀,咁唔人道,會凍死我o架喎。仲有呀,我食飽急屎急尿咁點呀?」

Tom囂張的答:「你咁危險,唔鎖你喺度就真係對其他人唔人道喇。哈哈,你呢D咁嘅人渣,個天冇咁容易畀你凍死嘅,咁咪便宜咗你。嗱,你食飽之後咪有個茄汁豆嘅鐵罐囉。記得呀,唔好痾咁多尿添呀,個罐仔好細咋,小心裝唔晒呀。如果你痾到周圍都係嘅話,我聽朝叫你飲番晒佢呀。」

說完之後,Tom便離開車廂,他小心檢查並確定所有車門鎖上後,便走回房間。他房間中的小窗剛巧可以望到四驅車,雖然外面橫風橫雪,但他仍可透過這窗隱若地看到Martin的大致動靜。Tom駐足觀察了數分鐘後,才放心去洗澡。

所有旅客都已回到自己的房間。至於坐在接待處的Simon,他望一望牆上的掛鐘,已經是晚上11時多,他伸一伸懶腰,關上接待處的燈後,便回到8號房間休息。

現在,整個旅館的燈都已關上,除了6號房間之外。EdmundPolly吃飽後回到房間,小休一會看了一陣電視。現在他們飽暖思淫慾,先來一個鴛鴦嬉水作為前戲,為一會兒的大戰作好熱身和準備。嬉水完畢後,EdmundPolly一邊濕吻,一邊走到床上。當Edmund正想提槍上馬之時……

Polly佻皮的說:「不如我哋玩D新嘢喇,成日喺張床上面搞好悶嘅,我哋不如去玩車震吖。出面又大風又大雪,我一陣可以嗌得free D,叫到拆天都冇人聽到呀。」

Edmund陰陰咀笑說:「你呢個小淫婦吖,成個腦都係諗淫嘢,不過聽落都幾刺激喎,心動不如馬上行動喇。」

說畢,兩個互相對望後交換了一個淫笑,便匆匆穿回衣服,性急地往跑車奔去。


待續


12 則留言:

  1. 嘩!車震?仲得掂,嚟過3p添呀,大鑊啦。

    回覆刪除
    回覆
    1. 喺狹窄嘅車廂內,好難發揮應有嘅水準,不過刺激感勝過一切 :p

      刪除
    2. 啱啱試咗之前講咗啤酒加七喜,味道似汽水,幾得意喎 :o

      刪除
    3. 好介紹呢,剛外出用膳?

      刪除
    4. 宅喺屋企食外賣pizza,順便買啤酒+七喜囉 :)

      刪除
    5. 係呀,唔駛同人迫又唔駛等位 :)

      刪除
  2. 哇,咁凍,俾我就.......

    回覆刪除
  3. 回覆
    1. Edmund同Polly嘅慾火運行至全身,點瞓得著喎 :p

      刪除
  4. 佢地係咪將馬田捉來玩SM?

    回覆刪除
    回覆
    1. 唔係喎,佢哋兩個都唔知道有馬田呢個人喺度。

      下集開始戲肉喇,好緊張O架 :p

      刪除