2013年8月8日星期四

拗文食字(第二回) - 宮粉羊蹄甲



宮粉羊蹄甲(学名:Bauhinia variegata)是一種豆科蘇木亞科羊蹄甲屬的有花植物,為一種落葉小喬木。原產於中國南部、印度及馬來半島。宮粉羊蹄甲於每年3月至5月落葉後開花,花有5枚粉紅色的花瓣,其中1枚有深紅色條紋。而不少人將此花與同屬屬的洋紫荊混淆,主要分別在於後者花型較大,而且不會結出種子。

宮粉羊蹄甲為香港的稱呼,在中國大陸名為洋紫荊,在台灣則名為羊蹄甲,因此經常與兩個同屬品種紅花羊蹄甲(Bauhinia purpurea)和洋紫荊(Bauhinia blakeana)混淆,詳見羊蹄甲屬#名稱混淆。

以上資料轉自維基百科


上文已簡單介紹過「宮粉羊蹄甲」,接下來就是拗文食字」嘅精粹 ── 小弟的「拗」文「食」字創作時間,起首的故事共五則,歡迎各有志(有意/有時/有字/有智)之士接力創作。 :)



則: 社會現象題

公共交通工具上的風化非禮事件日趨嚴重,女權組織於七月一日上街遊行,希望警方能投放多些人手,減少「鹹豬手」事件發生。

其中一名激進人士,遊行當日在超級市場購入一百隻雪藏德國鹹豬手,並帶至警察總部門外公開焚燒,以諷刺執法部門「消滅鹹豬手」不力。

故事名為:共焚洋蹄甲



則: 反罪惡題

今時今日,白粉逐漸被其他毒品所取替,銷情慘淡。白粉拆家為求開拓巿場,賺取不義之財,竟吹噓白粉的藥用價值。

牠們訛稱,服食微量的白粉,可以令不舉的男士重振雄風。此流言一出,陽痿男子爭相搶購,一度令白粉供應緊張,而牠們則賺個盆滿缽滿。

故事名為:「供粉陽痿客」



則: 虛構歷史題

北宋年間,楊氏一族為忠烈之世家,長駐代州邊關。其祖楊業訓曰:「楊門忠君,武抗遼人」。因此,楊氏後人不論男女,自幼皆披甲提槍,習武以防契丹,保中原之安全。

後來,楊門的事跡更被寫成「楊家將系列故事」。當中「金沙灘」一役,更是悲壯,亦生出「七子去,六子回」的歇後語。

故事名為:「公訓楊提甲」



則: 美食題

越南名廚「北漏道拉」來港出席「越港澳湛」美食交流會,大談烹調越菜的心得。在會上,他受到香港食神「肥都都」的名菜「糯米豬」所啓發。

返越後,北漏先生將越南檬粉,釀入初生的迷你鴿之中,出來的效果異常的好。後來,此菜式更為他贏得多個美食大奬。

故事名為:「檬粉釀迷鴿」



第五則: 人倫關係題

外公仍好客之人,現長居國內。適逢中秋佳節,一眾親戚及客人北上拜訪,一聚天倫。當日,外公除上親自在門外迎接大家外,還準備了羊蹄等小吃與客人分享。

故事名為:「公分羊蹄客」



36 則留言:

  1. 哈哈哈! 拗得好,我最like no. 4
    好絕

    政府要起一條堤壩,惹起村民公憤!

    公憤惹霸堤

    回覆刪除
    回覆
    1. 「檬粉釀迷鴿」 <-- 我諗都應該幾好食嘅,可惜巿面冇呢款菜式。

      村民的公憤引來一班「有心人士」的關注,他們計劃在工地旁搞一個「戶外瞓覺」活動,將「起堤壩」事件揚開去。

      公瞓揚堤壩

      刪除
  2. 一於在私房菜訂這道菜。


    抗議份子一起痾屎,何其壯觀!

    公糞惹堤霸

    回覆刪除
    回覆
    1. 搵到邊間私房菜肯整,搵埋你去試菜呀。

      抗議份子連痾屎都玩埋咁絕。 :o

      抗議份子接力痾屎,係咁谷係咁谷,搞到肛門肌鬆弛,最後要做「提肛練習」。

      谷糞釀提肛

      刪除
    2. 哈哈哈哈! 甘拜下風

      宮雪花的粉絲讓了個頭等座位給一位花甲女士

      宮粉讓頭甲

      刪除
    3. 花姐你都出埋,咁我唔客氣地接埋落去,寫激D喇。

      宮雪雪近年去內地登台搵真銀,她重口味地穿著貼身馬甲邊唱邊跳,波濤洶湧。內地男粉絲睇得投入,在台下高叫嚷著「卸甲!卸甲!」。

      宮粉嚷除甲

      刪除
    4. 宮雪花粉絲見到花姨PAT PAT鬆弛,大叫她提肛!

      宮粉嚷提肛

      刪除
    5. 嘩,越寫越變態,等我再激D先。

      原來宮雪雪有一偏方(塞提療法)治療肛門鬆弛,當她聽到台下的粉絲大叫提肛時,她本能地一夾,可憐的提子便被她夾爆了。

      宮忽讓提夾

      刪除
    6. 你咁都諗到! 係咪彿爺代筆?

      宮姨壓軸表演,跳入群眾,任由觀眾用頭夾宮姨身體。


      宮瞓任頭夾。

      刪除
    7. 睇得佛爺作品多,抄咗佢嘅風格添。用頭嚟夾宮姨嘅身體,呢個畫面好震撼喎。 :o

      宮姨瞓身演出嘅一幕,畀粉絲upload咗上youtube,而家揚名海外,連馬六甲嘅人都識佢喇。

      宮瞓揚六甲

      刪除
    8. 結果宫姨在混亂中有了BB、發現自己身懷六甲,

      宮發有六甲

      刪除
    9. 混亂中有咗BB,佢嘅粉絲都好狼喎。 :o

      轉眼間就過咗十個月,宮姨一索得男,仲要係順產分娩,個B嘅「姑姑仔」仲好大添,宮姨好開心,大呼及格。

      宮分陽及格

      刪除
    10. 個仔大咗,宮姨教他重視陰陽的太極,提升了他的體格。

      宮陰陽提格

      刪除
    11. 宮姨搵唔到經手人,最後一個女人養大個仔。佢個仔跟自己姓,單字一個「恭」。

      宮恭好生性、孝順,佢立志發奮,搵大錢養番阿媽。最後,佢將阿媽當年嘅「夾提療法」發揚光大,仲攞埋專利添。

      恭奮揚提夾

      刪除
    12. 阿恭喜歡隔離自己,自己睡在陽台。

      恭瞓陽台隔

      刪除
    13. 阿恭非常迷信,算命佬話佢條命係要異族通婚嘅,否則會死於非命,阿恭深信不疑,專搵外國女仔拍拖。

      恭搵洋妞夾

      刪除
    14. 除了溝女之外,阿恭喜歡足球,是德甲粉絲。

      恭粉揚德甲

      刪除
    15. 除咗溝女同埋足球,阿恭仲有一個特別嘅癖好,就係鍾意塗粉紅色嘅指甲油。

      恭粉染指甲

      刪除
  3. 每一條都諗得好絕,不過我就無能力接駁囉!

    回覆刪除
    回覆
    1. 佛爺:

      係呀,我要諗絕D,寫出嚟娛「賓」嘛。

      刪除
  4. 我無貨啦,今天返了深圳,現回家途中。

    回覆刪除
    回覆
    1. 哈哈,你讓我啫,下次再玩過喇

      刪除
    2. 好,等第三回再玩過

      刪除
    3. 好吖,預告一吓,第三回係歌名,非常悲情嘅,你一定識。

      刪除
  5. 卡臣返咗深圳屋企? 幾時約埋去書城?

    回覆刪除
    回覆
    1. 奕山:

      以我所知,卡臣頭家喺香港。至於我唔知嘅、就真係唔知lu。 :p

      刪除
    2. 哈哈哈哈! 真夠朋友,夠口密

      刪除
  6. 不是啊,今早去了深圳吃喝,現已回到香港家中。

    回覆刪除
    回覆
    1. 深圳有咩好食,有冇好介紹?

      刪除
    2. 有呀! 吃了出名的麥當奴和味千

      刪除
    3. 卡臣係咪講"其實你心中早有誰"篇文入面"歡樂海岸"張相個度間"麥當奴"? 真係一流架...值得一去>.<!

      刪除
    4. 卡臣:

      呢兩間名店香港都有喎,唔通「餮翁之意不在吃」? :p

      刪除
    5. 奕山,原來你住在深圳架? 歡樂海岸真不錯,心鄘神怡。

      我講笑啫,我吃那間食肆名字忘掉,不過我有拍下餐廳外貌,下次POST出來,你幫我解謎呀

      刪除
    6. 我都想住深圳呀,可以日日去書城打書釘^.^!
      呀...解謎咁得意(汗顏中)>...

      刪除
    7. 張相放了在「一口咬定你」,請過目,

      刪除