2013年7月4日星期四

卡臣 ╳ 世純合作企劃(第五回)之「南斯拉夫食字故事四十四則」


這次的Crossover事前完全沒有約定,是一個即慶的創作。2013429日,卡臣發佈了一篇玩「食字」的文章,名為「Yugoslavia」。我最初打算留言接玩數次,怎料越玩越有趣,兩人一來一往,不能自拔,最後我們合共寫了44則。

10則至第21則是一個故事,以「內褲」為主題。

28則至第44則另是一個故事,以「籃太太」為主題。

至於其他的段落,則是獨立的故事,各無關連。原文出自「Yugoslavia」當中的留言,謝謝卡臣允許我在此轉載。


南斯拉夫食字故事四十四則


第一則(by世純)
夫好性,常於城南柳巷尋歡,妻早略聞。某夜,夫挑燈夜出,妻暗隨之。夫毫不察,至青樓,仰首步入。妻見狀,即上前拉其耳、令其返。

好!故事講完,呢個故事叫「南巿拉夫」。

第二則(by卡臣)
有個女士叫Ruth,又稱露芙,她喜歡穿有喱士的衣服。

好!故事講完,呢個故事叫「喱士露芙」。

第三則(by世純)
某日,鄰居嗅到對面的單位傳出異味,於是報警求助。警察在外敲門良久,一老婦應門。警察入內後,他們發現一條男屍躺在床上,已發臭。於是,以「阻止合法埋葬屍體」的罪名,將屋內的老婦拘捕。

好!故事講完,呢個故事叫「男屍拉婦」。

第四則(by卡臣)
一個記者終生為新聞奮鬥,貢獻一生給新聞。

好!故事講完,呢個故事叫「News Life」。

第五則(by世純)
中國社會重男輕女,歷朝的官員皆是男性。

好!故事講完,呢個故事叫「男士大夫」。

第六則(by卡臣)
歌手何韻詩出櫃後,撐同志,繼《勞斯萊斯》後,再作女同志歌,主角叫Rose & Ruth

好!故事講完,呢個故事叫「勞斯露芙」。

第七則(by世純)
乖仔孝順,婚後堅持與母親同住,婆媳關係一般。他常問太太:「我阿媽、即你奶奶,難唔難服侍呀?」

好!故事講完,呢個故事叫「難侍奶乎」。

第八則(by卡臣)
有一個老師好窮,想發達,嘗試跟有錢人拉關係,但失敗。

好!故事講完,呢個故事叫「老師拉富」。

第九則(by世純)
肥仔300磅,搵唔到女朋友,旁人建議佢玩呼拉圈減肥,點知佢玩咗兩日就頂唔順。

好!故事講完,呢個故事叫:「難支拉呼」。

第十則(by卡臣)
有位太太在家中睡房找到一條第三者的女裝內褲,懷疑老公出軌,十分火滾,撕爛內褲。

好!故事講完,呢個故事叫:「怒撕內褲」。

第十一則(by世純)
其實係老公好易服,喺睡房中,自己著住嗰條女裝內褲左試右試,哈哈。

好!故事講完,呢個故事叫:「男試內褲」。

第十二則(by卡臣)
老公的易服癖被太太揭發了,她發現老公收埋成箱女裝內褲,太太怒視著它們。

好!故事講完,呢個故事叫:「怒視內褲」。

第十三則(by世純)
太太深愛丈夫,為幫他脫毒,她將全屋的「女裝內褲」棄掉,自己亦改穿「男裝內褲」。

好!故事講完,呢個故事叫:「男士內褲」。

第十四則(by卡臣)
丈夫沒有易服癖,換來抑鬱,乜都無興趣、乜都唔做,懶惰生活

好!故事講完,呢個故事叫:「lazy life」。

第十五則(by世純)
太太現在半喜半憂,一方面丈夫戒掉惡習,但另一方面他又終日鬱鬱寡歡。最後,太太嘗試用不同的事物,來幫助丈夫從新振作。

好!故事講完,呢個故事叫:「濫試help夫」。

第十六則(by卡臣)
太太為了刺激丈夫,出殺手鐧,就是lace underwear

好!故事講完,呢個故事叫:「喱士內褲」。

第十七則(by世純)
殺手鐧一出,丈夫即時有反應,但只拉下自己的外褲。太太不明其用意,呆望著他。

好!故事講完,呢個故事叫:「男只拉褲」。

第十八則(by卡臣)
原本男士突然急屎,只想拉褲去大解。

好!故事講完,呢個故事叫:「拉屎拉褲」。

第十九則(by世純)
原來肚痛是會傳染的,太太也受感染。但奈何丈夫佔據廁所,不肯出來,最後太太強行把他從廁所拉出來。

好!故事講完,呢個故事叫:「男廁拉夫」。

第二十則(by卡臣)
太太雖然行動快,但都敵不過她的後門更快,瀨了屎! 怒不可遏,大叫!

好!故事講完,呢個故事叫:「瀨屎怒呼」。

第二十一則(by世純)
太太怒叫後,全屋臭氣薫天。丈夫如廁後出來,望著太太問:「咁臭嘅,有人瀨屎嗎?」

好!故事講完,呢個故事叫:「爛屎瀨乎」。

第二十二則(by卡臣)
舞獅分南北兩派,廣東獅屬南派,電視live直播健舞獅。

好!故事講完,呢個故事叫:「南獅live」。

第二十三則(by世純)
日本戰國時代,大名間互相攻伐時有發生。南部家大名南部晴政在某次合戰中,因深入敵陣而被包圍,戰馬被刺而令他墮馬受傷,雙腿不能走動,眼看快要被俘。

一無名的足輕眼見主子將被活捉,拼命殺入敵陣,找尋主子。最後,他身負重傷,拉著南部晴政殺出重圍,逃回本陣。

回到本陣,他大呼一聲後,力竭傷重而亡。南部晴政十分感動,除賜姓「南部」外,還追封他別號為「南之拉夫」,以表其忠勇。

好!故事講完,呢個故事叫:「南之拉夫」。

第二十四則(by卡臣)
2045年的中國,人口20億,但重男輕女之下,68%是男性。女性唔夠分,令到好多男同性戀者出現。更出現男搶男的社會悲劇。

好!故事講完,呢個故事叫:「男志拉夫」。

第二十五則(by世純)
男同過盛,夜總會老細變陣以對,將舞女換為清一色的痴男,更在大堂位置搭起舞台,現場大跳艷舞娛「賓」。

好!故事講完,呢個故事叫,「男痴live」。

第二十六則(by卡臣)
2046年,香港則變成女多男少社會。好多女人變成lesbian.她們很多愛情故事。好!故事講完,呢個故事叫,「Les love」。

第二十七則(by世純)
未來男女心理喜好,真係好難估。一年前興男同,一年後興女同,令人無所適從。

好!故事講完,呢個故事叫:(國語)「難知愛惡」。

第二十八則(by卡臣)
有個50歲女人,嫁俾姓藍的男士,請問她先生姓什麼?

好!故事講完,呢個故事叫:「藍師奶夫」。

第二十九則(by世純)
其實呢位男士係姓「籃」,而唔係姓「藍」,但佢又自稱姓「藍」喎。請問他是說謊嗎?

好!故事講完,呢個故事叫:「籃是lie乎」。

第三十則(by卡臣)
他真的說謊,其實他姓籃。

好!故事講完,呢個故事叫:「籃師奶夫」。

第三十一則(by世純)
籃太太剛生孩兒,用母乳餵養,令嬌人的身材更加豐滿。

好!故事講完,呢個故事叫:「籃Gfull」。

第三十二則(by卡臣)
籃師奶胸太大,導致呼吸困難,去看醫生。

好!故事講完,呢個故事叫:(國語)「難吸難呼」。


第三十三則(by世純)
醫生替她檢查時,一眼便認出籃師奶的籃球,原來她曾是自己的歡場舊相好,兩人即時擁抱聚舊。

好!故事講完,呢個故事叫:(國語)「攬妓大夫」。

第三十四則(by卡臣)
醫生和籃師奶相好後,始終要走,依依不捨。

好!故事講完,呢個故事叫:「難捨難分」。
 

第三十五則(by世純)
籃太心生一計,訛稱老相好是當年的舊同學。籃先生相信,於是這大夫便成為籃宅的家庭醫生。以後每當籃太獨自覆診時,醫務所便變為陽台了。

好!故事講完,呢個故事叫:「籃氏大夫」。

第三十六則(by卡臣)
他們在偷情時,又玩顏射又大叫。

好!故事講完,呢個故事叫:「顏射大呼」。

第三十七則(by世純)
經過多月以來,早上醫生、晚上籃生的性生活,籃太的身體開始受不了,因此,她是時候作出決擇......

好!故事講完,呢個故事叫:「難侍孖夫」。

第三十八則(by卡臣)
太太一人侍兩夫,輪流使用她的那裡,濶咗,籃太大為緊張。

好!故事講完,呢個故事叫:「留心拉闊」。

第三十九則(by世純)
籃太聞說一偏方,每天利用毛巾沾上牛奶熱敷私處,能回復青春,皮膚緊緻幼滑。

好!故事講完,呢個故事叫:「籃私奶敷」。

四十(by卡臣)
雖然令私處回復緊緻幼滑,但有副作用,就是乳房皮膚乾燥。籃先生見到,眼都突

好!故事講完,呢個故事叫:「籃視奶枯」。

第四十一則(by世純)
皮膚乾燥,令它皺皮下墜。籃太求診於整容醫生。

醫生建議:嘗試利用「拉面皮」的理論,用在籃太的胸上。

好!故事講完,呢個故事叫:「籃試拉膚」。

第四十二則(by卡臣)
籃太太除了胸外,也替自己面部拉皮,結果梗哂,笑容很膠,她學習笑得自然些。

好!故事講完,呢個故事叫:「籃試 laugh」。

第四十三則(by世純)
籃太太上拉下整,變了膠人,醫生及籃生接受不了她。籃太太自知整得太勁,變了怪人,實難以怪責他們。

好!故事講完,呢個故事叫:「難以賴夫」。

第四十四則(by卡臣)
一妻侍兩夫,三人之間有代號,丈夫愛咖啡,醫生愛紅酒。

好!故事講完,呢個故事叫:「藍山Lafie」。



10 則留言:

  1. 真係睇返都覺得自己痴線,咁都得

    多謝你整理一番,好清晰

    回覆刪除
    回覆
    1. 我自己睇番都覺得好搞笑,之前竟然諗到咁多白痴嘢。 :)

      刪除
  2. 哈哈哈!好多句仲淫過我寫果D咁!嘻嘻!

    回覆刪除
    回覆
    1. 係呀,有部份故事又激又變態,哈哈。 :O

      刪除
  3. 單是留言也有主題,真是佩服世純&卡臣^^

    回覆刪除
    回覆
    1. 呢次嘅留言創作好好玩,仲玩到好變態添。 :o

      刪除
  4. 原來"南斯拉夫"咁好玩...大開眼界*.*!

    回覆刪除
    回覆
    1. 係呀,仲玩到停唔到手添。 :)

      刪除