2013年6月23日星期日

卡臣 ╳ 世純合作企劃 (第四回)之《命運劇場第四集》



命運劇場第三集 - 一切遭遇誰擺佈》由卡臣執筆,請先閱讀第三集後才看本篇。
  
《命運劇場第四集 – 兩方各出謀來防》
 

Flora透過電話聽到Kent的聲音,一時驚訝得說不出話來,她明明是致電至Rocky的手提電話,為何會是Kent接聽的呢。至於Kent,他早已被Flora的美貌沖昏頭腦,腦海中只認得她的聲音,完全忘記了自己的肉身及其手提電話仍在西貢的家中。他現在的軀殼是Rocky,接聽的亦是Rocky外套袋中的手提電話。

Kent先以溫柔甜蜜的聲線說:「Hello Flora,我而家做緊嘢呀,遲D覆你喇。」

Flora肯定對方是Kent,又不願他發現自己與Rocky的關係,最後佯裝若無其事的說:「Kent,咁你萬事小心喇,bye。」

電話掛斷後,Kent繼續好奇地查看其他有趣的資料。他發現了著名的恐怖份子「Line Done」,其真實身份也是「幹理良」族人,與Ryan一樣,是「$」級的「皇百旦」星人。由於當局認為他會對地球人類不利,於是便與「世界警察」合作,並代「Line Done」策劃「狗孖壹」事件,製造口實並將他擊殺,更把他的遺體掉入海中,以防將來被人發現。

Kent現在才發現,人類早已知道「皇百旦」外星人在地球生活,並一直密切注視他們的一舉一動。稍有不慎,人類便會以莫需有的罪名將他們解決。一心本著與人類和平共處的Kent,此時信念開始動搖了。想著想著,他的靈魂不知不覺間,回到西貢的村屋。

                                               

那麼,為何Flora會致電給Rocky?原來當年霍老師安排女兒放洋到英國留學,一方面為了讓她了解不同國家的文化,擴濶自己的眼界。另外,還希望女兒於校園內結識到其他落地生根的外星人。在校園內,她初次邂逅很醜但溫柔的Rocky,兩人皆不是以貌取人的重口味人士,因此他們一見鐘情,並發展成情侶。

畢業之後,Flora返回香港父親的身邊,協助他成就大業。而Rocky則留在英國,後來被「保衛地球反外星生物局」招攬入伍。兩人到現在還不時有聯絡,Rocky對她還是念念不忘。每當Rocky來港工作時,兩人更會約會見面。而他向Flora訛稱自己是網絡安全專家,為不同公司提供保安方案,因此足跡走遍很多國家。

                                               

Kent的靈魂返回其軀殼之後,即時帶同還在屋外玩耍的Ryan往ifc找未來外父霍老師共謀良策。霍老師及Flora聽到這個消息後非常震驚,他們本想佔領地球,以圖光復皇百旦星部族。但現在地球遇此大劫,劫後亦恐成廢墟,再加上石撞落地球時,他們亦沒有十足的把握可以生存。

當他們認真地思考時,突然之間傳來一陣巨響。

                                               

暫時跳回第三集的中段部份,當Kent進入Rocky後,經「瞬間到地球」去到倫敦「保衛地球反外星生物局」總部。「保衛地球反外星生物局」局長Smart S很快便察覺Rocky的行為與平時完全不同,於是命人監視著他,後來更懷疑他的肉身被外星人暫時侵佔。當Rocky電話響起的時候,局內即時追蹤來電者的所在地,是來自香港ifc的 80樓後,再透過間諜衛星進行全方位素描,發現此層其中一個單位內所用的物料非常特別,並不像一般商業機構,極有可能是外星人的藏身地點。

在這時候,Kent剛巧離開Rocky的肉體,Rocky從迷糊中清醒過來。Smart S向Rocky解釋剛才他被「上身」一事,Rocky顯得十分內疚,自己的不慎差點危害到「保衛地球反外星生物局」的安危,他希望能帶罪立功。

Smart S當機立斷,即時安排Rocky組織一隊突擊隊,並自行制定一個代號名為「擒獸」的行動,經「瞬間到地球」傳送裝置前往此目標地點,捉拿有可疑的人物回來。最後更下達一個格殺勿論的命令,如對方一旦反抗,便可就地正法他們。大約過三個小時的部署,Rocky正式出發。

                                               

現在回看霍老師的辦公室,一聲巨響後,房間的大門被爆破。

Rocky帶領著一隊全副武裝的特種部隊衝進來,把四人團團圍往。霍老師他們四人現在被數十枝自動步槍指著,稍有不慎便會被亂槍掃射,成為蜜蜂窩。此時,四人透過「皇百旦」人的腦電波商討,結論是假若此時負隅頑抗的話,雖能逃脫但也必有損傷,權行輕重後決定假意投降,遲些找個機會逃走。

接著,霍老師、Flora、Kent及其兒子Ryan舉起兩手,示意投降。Rocky在電光火石間,與Flora四目交投,他現在才知道,當年的初戀情人原來是個外星女子。

                                               

特工Rocky會選擇兒女私情,還是國家大事?
幹理良的美女Flora,會選擇同鄉Kent還是地球人Rocky?
好爸爸Kent會否幹掉Rocky這一情敵,順便為Janice報仇?
年幼的Ryan是否可以拯救世人?
霍老師等人的下場,會否與「Line Done」一樣?
局長Smart S又會如何處理「石撞地球」的危機?

待續


世純說:嘩,好多問題呀,留番等埋卡臣一齊答喇。我喺今集唔拆「石撞地球」住,等卡臣都可以玩吓,哈哈。



《命運劇場第五集》大結局分別由卡臣及世純各自創作,請繼續收看。





40 則留言:

  1. 哈哈!好多伏線呀,好玩!

    你解釋了line done 的來由,好野!

    情義倆難存,好電影感呀!

    䦕頭一段,是否flora 叫Rocky收線呢?

    回覆刪除
    回覆
    1. 係呀,留番多幾條線,等你都可以一齊玩。

      如果咁快拆晒d驚險橋段,咁大家嘅第五集又要作多一個高潮位,咁就會好畫蛇添足o架喇,破壞咗呢個好故事。

      line done一幕,我咁啱諗到,哈哈,順便解釋咗點解Kent會改變和平共處嘅想法。

      你估唔到,Rocky同Flora有一手哩。 :p

      䦕頭一段,是否flora 叫Rocky收線呢? <-- 我寫得唔係咁好,啱啱改咗。其實Flora係打畀Rocky,但Kent上咗Rocky身並接咗個電話。Kent誤會Flora打畀自己,但Flora清楚知道接電話嘅人係Kent。但Flora唔想畀Kent知道她與Rocky嘅關係,所以扮嘢。

      刪除
    2. 解得好,我理解力差啫

      好嘢!可以一斉解謎,最好玩!

      這集很多人的心理轉折描寫,讃!

      當然估唔到欣Michello Lo 配Rocky 咁絕!

      刪除
    3. 你下集去盡D喇,慢慢寫正D唔駛急,你搞掂晒後通知我幾時出post喇。

      今次我好有自信呀,覺得突破咗「九死一生」,你應該會睇得過癮。

      下集有笑有淚有驚有喜有感動有悲哀有愛情有親情仲有劇情添,唯獨是冇鹽花,哈哈。 :p

      刪除
    4. 好嘢! 覺得好玩就是crossover的精髓

      下集有笑有淚有驚有喜有感動有悲哀有愛情有親情仲有劇情添<---睇到都知勁,有一股衝動︰不如你出埋結局,我安心做讀者都唔錯,因你咁有信心,一定有驚喜位

      刪除
    5. 你唔會唔寫嘅,你而家應該手癢難耐o架喇,哈哈。 :p

      你第三集最初都話寫大路嘢,最後出到嚟我睇得津津有味喇,所以結局篇你點都會扭一扭嘅,等你出手喇。

      你真了解我,係有驚喜位嘅。 :)

      刪除
    6. 好,咁我貢醜啦

      橫豎你已寫好,你想大結局在:
      Monday 5:00?
      Monday 9:25?
      Tuesday 5:00?

      刪除
    7. 我冇所謂呀,就你寫好先喇。 :)

      刪除
    8. 寫完啦

      不如明天5時
      我急懋睇你的大結局啊

      刪除
    9. 咁快,你唔會簡單兩句寫殞石飛向地球,眾人等死嘛。 :o

      刪除
    10. 哈哈!知我者莫約你
      明天下午五時大揭盎

      刪除
    11. 好喇,我啱啱排咗程,明天17:00送上大結局。

      刪除
    12. 好嘢! 明天出

      今次命運劇場真係好好玩

      刪除
    13. 係呀,全靠你諗到呢個玩法出嚟。

      呢次玩法有來有往,同之前唔同,各自作完交功課。

      刪除
    14. 係你想到命運接龍先喎。多謝你就真。

      刪除
    15. 係我諗嘅咩?唔記得咗喇。 :O

      今日下午5點,各人嘅命運都會有一個交代,約定你喇。 :)

      刪除
    16. 好嘢!今天5時,命運對決

      刪除
    17. 我出咗大結局嘅題目名喇,叫做「設計中計眾中計」,究竟係咩「計」呢,哈哈。 :p

      刪除
    18. 掂呀呢個題目!!勁想快啲睇,好有幻想空間,超讚!

      刪除
    19. 的確係好玄呀,呢句嘢可以有好多解釋,意思亦都好唔同。 :)

      記唔記得我之前話會回你「火戰神」同埋「手勢」嘅,結局一次過回你,哈哈。 :p

      刪除
    20. 嘩! 不得了,真係好期待,仲有六小時

      刪除
    21. 畀你搞到我都緊張埋一份,仲有3個鐘,睇完又可以等放工。 :p

      刪除
    22. 希望今天無人阻你收工,鞋油3小時

      刪除
    23. 如果有人阻住收工,可以向「保衛地球反外星生物局」誣告佢哋係「幹理良」族人,咁事情就好辦喇。 :p

      刪除
    24. 好計好計,45 mins to go!

      刪除
    25. 啱啱再作咗少少修改,好緊張呀,究竟會唔會世界末日呢? :O

      仲有20分鐘~~~

      刪除
    26. 仲修改咁? 好似考試在覆卷中,果然盡善盡美,
      我一於等拍手啦

      刪除
    27. 緊張過考試呀,睇完之後唔好對住我伸出中指喎。 :p

      刪除
  2. 咁你日後會唔會自己再整個科幻故事呀?

    回覆刪除
    回覆
    1. 之前計劃過寫一個類似美劇「heros」嘅故事,仲諗住將「九死一生」嘅Martin代埋入去,但最後都係得個「諗」字。

      刪除
    2. 咁過癮,一於考慮吓

      刪除
    3. 諗嘅時候真係幾有趣,但係一直攞唔起枝筆。

      刪除
  3. 睇照會越來越峰迴路轉...真係估你唔到@.@!

    回覆刪除
    回覆
    1. 哈哈,結局的確係峰迴路轉嘅。 :p

      刪除
  4. 這個命運劇場,世純寫得很有自信,很多亮點。

    回覆刪除
    回覆
    1. 今次我自己都覺得寫得唔錯,今日下午5點出大結局,亮點陸續有來。 :)

      刪除
  5. 世純:

    嘩!好複雜,睇到我幾乎被你個故仔幹掉.嘻嘻!

    回覆刪除
    回覆
    1. 佛爺:

      幾乎被你個故仔幹掉 < -- 證明你睇得入神,哈哈。

      刪除