2013年6月14日星期五

人生的意義?



近來,不知為什麼我的腦袋總是思考著同一個問題,究竟「人生的意義」是什麼?想來想去,還是沒有一個答案。

今天,剛巧老闆請我們在外午膳,席間帶出了「人生的意義」這一課題。他與我們分享了自己在人生不同階段的一些看法,我聽後似明非明,好像弄懂一點,但又捉不緊似的。


他說他年少時空虛、迷茫,但仍積極向前,不斷看書尋找答案,但卻找不到。而現在的他,會盡自己的努力活好每一天,但還是繼續在尋找答案。現在的我,想法與他年少時差不多,但他是積極向前,而我則是迷茫地尋找答案。

在我的心目中,他的人生真的很美滿,我真的很羡慕。他既有足夠的金錢,更有社會地位,有學識、智慧及健康的身體,又有妻兒子女。但我知道,我就算窮一生的努力,也不能達至他的水平,甚至連一半的水平也達不到因為每個人的能力,實在是有高低之分的。

我環顧四周,彷彿身邊所有人的人生都比我的更有意義,究竟我活著的意義是什麼呢,這個問題讓我非常煩惱,大家可以給我一點意見嗎?



20 則留言:

  1. 我從來沒有量度太人的尺。

    也沒有量度自己的尺。

    回覆刪除
    回覆
    1. laulong:

      我都唔係刻意量度別人,我只係覺得身邊嘅人搵到活著嘅意義,而自己仲未搵到咋,所以好惆悵。 :o

      刪除
  2. 唔好同人比啦,無必要
    意義? 幫吓人,笑多啲,同個世界上吓顏色
    做啲令自己開心嘅嘢,留吓記憶

    回覆刪除
    回覆
    1. 卡臣:

      我就覺得你人生好精彩喇,除咗番工嗰陣之外。 :p

      有興趣,又有寄託,又見過好多唔同嘅人和事,仲可以喺舞台上發光發熱添。

      噢,我又同人比喇。 @_@

      刪除
    2. 我就有好多好的回憶(當然也有壞的回憶)
      真要心存感激,

      我做劇跟別人唱k 一樣,只是嗜好娛樂,談不上發光發熱,發燒就有

      刪除
    3. 你人生中,美好回憶比壞嘅多好多喎,真係要心存感激。 :)

      如果用做劇同唱k作比喻,大部份喜歡唱k嘅人,剩係自覺唱得好聽,實情係五不全。而你就係少數,喜歡唱k,旁人也覺得你唱得好,只係目前暫時未被廣泛嘅人所認識啫。

      雖然我未睇過你演出,或者會覺得我嘅說法係吹水。但聽別人說「你喺台上同office係判若兩人」,我就有咁嘅結論喇。

      刪除
    4.  係呀,係人在office 都係條死魚
      放工就生哂

      刪除
    5. 死魚係唔受歡迎嘅,嘗試郁吓、配合吓,互動多D喇。 :p

      刪除
  3. 不要計較或比較,看破放下沒煩惱。

    回覆刪除
    回覆
    1. 匿名:

      可惜我仲未睇通睇透呢,我個人好抵死,成日都會自尋煩惱嘅。 :(

      刪除
  4. 世純:

    我讀完個性心理學,最後的問題,就是你這篇帖子的標題.嘻嘻!

    回覆刪除
    回覆
    1. 佛爺:

      咁你讀完之後,點回答呢一條問題呀?我估「人生的意義」,就係鹽花、鹽花、大量嘅鹽花呀。 :p

      刪除
    2. 世純:

      讀了個性心理學,大考就得一條題目:有人話佛洛伊德的見解是悲觀的享樂主義,你認為呢?

      乜話?讀了十幾個心理學家的性格學說,就是一條咁既問題,我@#!%^$*(^%#$@呀!

      我唔記得佐我答佐乜,總之無肥到佬就算數.

      人生是什麼意義,不同的心理學門派就有不同的觀點,無一個共同的答案.

      刪除
    3. 噢,太深奧喇,唔係好明,即係話唔同人有唔同答案喇,總之恭喜你當日pass咗喇。 :)

      刪除
    4. 世純:

      這些心理學見解,最緊要你可以自圓其說,沒有實質答案的.

      刪除
    5. 咁咪即係可以人人都有唔同嘅學說囉。 :)

      刪除
  5. 得閒幫人算下命,趨吉避凶,指點迷津,應該有意義啦!

    回覆刪除
    回覆
    1. Jessica:

      我最初都有D咁嘅諗法,但後來覺得意義不大,或者得閒去捐吓血更加能夠幫到有需要嘅人。

      刪除
  6. 人生最緊要'活在當下',最好做到生命影響生命

    回覆刪除
    回覆
    1. 匿名:

      「生命影響生命」呢個目標,睇怕我都做唔到喇。

      刪除