2013年5月29日星期三

拗文食字(第一回) - 亞里士多德


亞里士多德(希臘語:ΑριστοτέληςAristotélēs,公元前384年-公元前322年3月7日),古希臘哲學家,柏拉圖的學生、亞歷山大大帝的老師。他的著作包含許多學科,包括了物理學、形而上學、詩歌(包括戲劇)、音樂、生物學、動物學、邏輯學、政治、政府、以及倫理學。和柏拉圖、蘇格拉底(柏拉圖的老師)一起被譽為西方哲學的奠基者。亞里士多德的著作是西方哲學的第一個廣泛系統,包含道德、美學、邏輯和科學、政治和玄學。

以上資料轉自維基百科


上文已簡單介紹過「亞里士多德」,接下來就是拗文食字」嘅精粹 ── 小弟的「拗」文「食」字創作時間,起首的故事共五則,歡迎各有志(有意/有時/有字/有智)之士接力創作。 :)


第一則: 虛構歷史題



康熙愛民,好微服私巡,親察民情,夏至城外某里,見民風純樸,鄉人互助。翌日回京,乃命人招來里長,細問之。

康熙惑曰:「朕昨臨汝里觀之,見門戶皆開,至夜不閉,不怕竊匪盜賊耶?」

里長撫鬢笑曰:「暑熱,張門開戶以通氣降溫。另吾等皆德善之人,不貪不騙,豈需防哉。」

聽畢,龍顏大喜,隨即御筆一揮,親題「雅」字贈之,曰:「汝里鄉人皆為好善多德之士,朕深喜之。現賜里名〝雅〞,望眾民競相效也。」

故事名為:「雅里士多德」




第二則: 男女關係題

一名妙齡女子獨自在旺角的街上走著,一邊低頭按手機。另一名男子迎面而來,並不小心把她撞倒地上。女子怒氣沖沖,正想抬頭痛駡對方,細看之下,原來該名男子是她大學時代暗戀的學長。於是,她轉怒為喜,對他笑說:「吖,好耐冇見喇,Gothic,咁啱嘅。」

故事名為「吖你是歌德」



第三則: 英語題

Alex is an idiot who loves duck very much, so he built a store beside his house to store his lovely plastic ducks.

故事名為Alex stores ducks 



第四則: 社會現象

在彈丸之地,出了一個李姓富豪,他的業務包括衣食住行,雖他常自稱「取財有道」,但升斗小民皆不滿其「賺錢賺到盡」的做事手法,紛紛說他「缺德」。

故事名為「阿李氏缺德」



第五則: 人際關係

新年時節,已婚的阿明向同事訛稱自己單身,在辦公室呃「利是」。另一同事看不過眼,當眾拆穿他。最後,阿明的「逗利是」計劃因而失敗。

故事名為「呃利是不得」



48 則留言:

  1. 哈哈! 掂呀!
    古今中外時事都寫到,文言文都得,好嘢!

    簡單啲先

    Alex做舞男

    Alex當Duck

    回覆刪除
    回覆
    1. 我嘗試寫多D唔同嘅題材嘛,撗掂都係玩,梗係玩盡少少喇。

      我都簡單覆番你先:

      Alex剛剛下班

      故事名為:「Alex剛fuxk」

      刪除
    2. Alex自覺太多罪孽,去辦功德化孽

      Alex功德

      刪除
    3. Alex決心行善積德,最後老來得子。

      故事名為:「Alex終得」

      刪除
    4. 拳王阿里試食忽得

      ali試忽得

      刪除
    5. 一代拳王最後老人痴呆,真唏噓。

      艾力與友人打麻雀,最後自摸咗隻「北」食糊。

      故事名為:「艾力自摸北」

      刪除
    6. 艾力去了東北方發展,開發大東北

      艾力事東北

      刪除
    7. 艾力在東北發展,經營的是連鎖士多,由於他過於進取,導致資金周轉不靈,最後結業收場。

      艾力士多𢴇

      刪除
    8. 執笠咁慘

      好彩他甚得女性歡心,因為:

      艾力性多得

      刪除
    9. 我都想做艾力喎,咁受女子歡迎。 :)

      艾力的士多生意失敗後,從中汲取教訓,改行賣水果。他眼光獨到,從亞洲引進一種特別多汁的香梨。

      亞梨子多汁

      刪除
    10. 飲得太多果汁﹐ 太多水份,急急

      艾力是多急

      刪除
    11. 急尿就要去廁所,否則忍得多會虧o架。 :o

      艾力由於常常強忍小便,造成膀胱出現問題,最後需要求醫治理。

      艾力治多急

      刪除
    12. 好嘢!

      艾力踎塔太多,結果生痔瘡

      艾力瘡多粒

      刪除
    13. 艾力膀胱問題之後,又生痔瘡,畀我哋玩死喎。

      艾力多次求診後,仍根治不到痔患,最後他決定自行以中藥治病。

      他在誤打誤撞下,發現了一條治痔秘方。他以自己的名字命名,並為秘方拿取專利,除幫助了一眾痔男痔女外,還賺取大量金錢。而秘方命為...

      艾力痔瘡得

      刪除
    14. 哈哈哈!

      繼續寫佢

      艾力最後蝕哂那筆錢

      艾力蝕多筆

      刪除
    15. 原來係你哋兩條blog友將我條命當crossover咁玩,唔怪得我咁pk喇。

      我決定自己開番個blog,自己創作自己嘅命運呀。 :o

      艾力自執筆

      刪除
    16. Sorry 呀艾力,搞到你
      祝你寫blog 順利

      艾力字多blog

      刪除
    17. 艾力真係多得我哋唔少喇,卡臣你又啟發到別人寫blog喇喎。 :p

      艾力經過一次又一次嘅起跌,真係獲益良多,他的人生有很多得著。

      艾力自多得

      刪除
    18. 講咗咁耐,忘記告訴大家艾力是東德人

      艾力自東德

      刪除
    19. 好嘢,咁都畀你食到。 :) 等我開過另一個題目先。

      身體殘障的人士,通常都會有一技之長以為生。

      天生啞巴的李先生,由細學習紡織,長大後從事教授紡織毛衣以糊口。

      啞李事紡得

      刪除
    20. 好~ 繼續用啞李

      啞李性格問題,獨處時候很抑鬱

      啞李自多鬱

      刪除
    21. 啞李性格內向,常獨處,他的其中一個興趣是看harry potter電影,百看不厭。

      啞李視波特

      刪除
    22. 好!!!!!

      但他也看愛AV

      啞李視波突

      刪除
    23. 既然講到佢睇av,咁我就去盡少少喇。 :)

      啞李一邊睇av,他的手不禁往自己的下半身遊走,一會兒後......得......得咗。 :p

      啞李自摸柒

      刪除
    24. 啞李手都未洗,就去打麻雀,自摸十三么

      啞李自摸北。

      刪除
    25. 手都唔洗就好打麻雀,好dirty呀~~~ :o

      啞李以為摸隻「北」,點知摸錯咗,食咋糊,心中暗叫fuxk,咁究竟佢摸咗D乜呢?

      啞李自摸乜

      刪除
    26. 原來佢摸錯隻七索

      亞李自摸七

      刪除
    27. 啞李食咋糊,贏不到錢之餘,還要賠錢給三人,今次自然是賠了夫人又折兵。

      啞李自嘔突

      刪除
    28. 啞李自覺當黑當dum

      啞李自當dum

      刪除
    29. 啞李咁慘,等我寫個好嘢幫幫佢先。 :)

      啞李自覺運滯,他決定多行善事以圖改變命運。作者世純被他的善行所打動,奇蹟出現喇!!!

      他竟然可以開口講話,連醫生也不知為何如此。

      啞李漸talk得

      刪除
    30. 好嘢!扭得好!

      啞李搞埋棟篤笑

      阿里是但up

      刪除
    31. 哈哈,㨂篤笑都畀你諗到,好嘢。

      全港第一個啞巴開口演㨂篤笑,非常有綽頭。

      啞李繼續做善事,他把所有收益捐出來幫助聾啞人士,傳媒報章將此事登至頭條,迴響極大。

      啞李事當登

      刪除
    32. 好嘢!食得好!

      不過有一次失水準,遭觀眾割櫈抗議!

      啞李show劏櫈

      刪除
    33. 割櫈咁大鑊。 :o

      由於找不出割櫈的觀眾,會場方面決定向啞李追討,因此啞李用作慈善的收益失去了。

      啞李善款失

      刪除
    34. 啞李唔見錢,無錢開飯,食冬甩頂肚

      啞李食冬甩

      刪除
    35. 冬甩好味道吖。 :)

      啞李選擇朱古力冬甩,但吃多了肚子頂唔順,痾爛屎,D屎又臭又黑。

      啞李屎多黑

      刪除
    36. 啞李在廁所中反思自己那裡做得不好,找到答案

      啞李是疏忽

      刪除
    37. 「疏忽」一字我都諗住用,畀你快一步添。 :O

      啞李把自己鎖在廁格中閉關自我反省。不知過了多久,他反省完畢後,充滿自信的破關而出。

      啞李自省畢

      刪除
  2. 世純好鬼得,看完哭笑不得!

    回覆刪除
  3. 世純:

    嘩!真係令我眼前一亮,嘆為觀止!從文言文到英文,都係絕配,而且音韻和諧得很。佩服!

    回覆刪除
    回覆
    1. 佛爺:

      你過奬喇,我個腦成日諗埋D無聊嘢。

      你話眼前一亮,所說的是什麼眼呢? :p

      刪除
    2. 世純:

      好尷尬!唔答得你係乜眼!嘻嘻!

      刪除
    3. 佛爺:

      咁我估到係咩眼喇,係用嚟睇嘢嘅眼。即係你嘅"SEE"眼。 :p

      刪除
  4. 世純,
    我想起屋企街口間士多...

    老李係街口開咗間士多廿幾年,由報紙雜誌到餅乾、汽水、益力多、電話咭...乜都有得賣,平靚正樣樣得,仲要年中無休,街坊公認老李職業道德一流。

    所以大家都話"阿李士多得"...

    回覆刪除
    回覆
    1. 奕山:

      你都好有創意,等我將呢個故事接落去喇。 :)

      老李間士多除咗售賣糖果、雜物之外,仲有賣佢嘅家傳秘製多士,個個食完都話very good。

      所以大家都話「阿李多士得」。 :)

      刪除