2013年5月18日星期六

按摩女郎(5/7) - 重遇上她這些年辛苦她


阿得從陌生的4號口中聽到「詠兒」這個久違了的名字,不禁心中一怔,他一時之間不懂如何對答,原本已經放鬆了的肌肉,頓時彊硬起來。

阿得戰兢地轉身問:「你點會知道佢個名嘅?你做咩喊呀?」

她壓抑情緒的答:「冇咩呀,我聽得好感動之嘛。你記唔記得呀,我上次咪話咗我有打過乒乓波囉。10幾年前我打波嗰陣,鄉下出過一對乒乓情侶檔,男嘅叫阿得,女嘅叫詠兒。不過,當年女嘅受傷之後,就唔見咗佢哋喇。莫非,你就係我當年嘅偶像阿得?」

阿得聽後,面露笑容說:「哈哈,估唔到我都有fans,而家仲有人記得我喎。係喎,你就識我喇,咁你又叫咩名呀?」

她繼續裝作沒事的說:「係呀,偶像,其實咁啱咁橋,我都係叫阿詠。你可以繼續講吓你之後嘅事嘛,我好想聽呀。」

接著,阿得便將往事娓娓道來,她聽得十分投入。他還告訴她,昨天跟另一教練打牙駮戰的事呢。按摩完畢後,阿得主動地說不用出火,之後還給了她很多貼士。當天晚上,雖然他們兩人都不能入眠,但大家覺有不同的心情。

阿得發夢也想不到,竟然會在骨場遇到自己的支持者。另外,從提往事後,當年一幕幕與詠兒一起的片段湧上心頭,感慨萬千。

至於「阿詠」,她此刻內心極度矛盾。她一方面很想與阿得相認,承認自己就是詠兒。但另一方面,她又怕阿得知道以後會嫌棄現在的自己。最後,她決定繼續裝作他的支持者,這樣起碼阿得會繼續找她按摩。

正如詠兒所願,阿得現在每星期都會找她,這樣的關係大約維持了半年多,直到某次按摩完畢之後......

阿得鼓起勇氣說:「阿詠,你一陣幾點收工呀,不如一齊食宵夜吖。」

詠兒高興的答:「我做埋你呢個客就走喇,但係我唔想畀其他人見到你等我,不如一陣你喺隔離街間便利店附近等我吖。」

阿得說:「好吖,我一陣諗吓同你食D咩呀。」

詠兒收拾東西離開房間後,阿得伸個懶腰便快步走向淋浴室。他心急的沖身換衫及結賬,便向便利店走去。至於詠兒方面,她回到休息室,向經理訛說身體不適,要求提早回家後,便匆匆換衫離開了。

她此刻的心情實在開心的難以形容。她感激上天,給她再次遇上阿得。她更感激上天,今晚阿得主動地約會自己。詠兒換回便服後,如箭般向隔離街的便利店飛去。

阿得則站在便利店門外,心情既興奮又緊張。他當初只是碰碰運氣的問,沒想過「阿詠」會欣然應約的。他越想越高興,更不自覺的傻笑起來。大約等了15分鐘,他看見「阿詠」在對面的行人路,阿得害怕她看不到自己,於是他便邊揮手邊走過馬來迎接她。

當阿得走到馬路的一半時,突然之間,兩道強光由遠至近的向他射來......


待續 



14 則留言:

  1. 回覆
    1. 奕山:

      哈哈,睇嚟劇情都係咁樣發生喇,究竟阿得會唔會畀車撞到傷殘呢??

      刪除
  2. 呀,真係咁冇緣?唔好喇!

    回覆刪除
    回覆
    1. 佢哋係有緣o架,不過作者要加少少枝節嘢製造緊張氣氛嘛。 :p

      刪除
  3. 天呀~~~命運呀~~`典解要咁慘呀~~~~
    安排骨妹...再遇意外....編劇呀...放人一條生路

    回覆刪除
    回覆
    1. 見你開口求情,咁作者就放佢一馬,改為唔撞死阿得喇,我都算係順應民意,聆聽大家訴求喇啩。 :p

      刪除
    2. 咁就好啦,你知啦,金枝同神探有幾多單投訴呀

      刪除
    3. 兩套劇太深奧喇,我真係睇唔明喎。 :o

      刪除
    4. 好耐冇睇過喇,近年冇咩電視劇吸引。

      刪除
  4. 會唔會阿得撞車後,跟住失憶,詠兒幫佢恢復記憶呢.

    回覆刪除
    回覆
    1. 睇嚟今次嘅煙幕好成功喎,令你都覺得阿得係會畀車撞到而失憶。 :)

      刪除
  5. 世純:

    阿得應該被撞到入佐醫院,詠兒就在醫院對他適心照料,在床邊對住昏迷的阿得,講出自己的身世,和對阿得的惦念.阿得感動到寬恕了她做骨妹,與她愛火重燃.

    回覆刪除
    回覆
    1. 佛爺:

      你呢個結局好合情理,如果我係阿得,我都會接受到詠兒。

      不竟佢係為咗生存而走呢一條路,並唔係貪圖榮華富貴而當娼。

      刪除