2013年5月15日星期三

按摩女郎(4/7) - 曾熟識的她這夜叫4號


阿得離開按摩店後,臉上流露出久違了的笑容。今天晚上,他終於找回了一次過滿足三個願望的方法。翌日回到球場上,意氣風發的他判若兩人,所有人都覺詫異,背後交頭接耳。因為自從幾年前阿得失意於全國乒乓球大賽,並來到東莞巿當教練後,他們都未見他笑過。

其中一個曾與阿得同隊的教練打趣說:「阿得,好耐都未見過你咁開心喇喎,咁高興,不如我哋猜番兩板吖,畀班細嘅學吓嘢都好吖。」

阿得欣然回答:「好吖,橫掂我好耐都未出過手喇。」


接著兩人便笑著走往球枱,開始互相較勁。兩位資深的教練在此比試,吸引了其他球員的注意,把這一球枱圍得水洩不通。兩人球來球往難分高下,最後,阿得以一分之差敗在前隊友之手中。阿得雖然於這場面子之戰中落敗,但他並沒有一絲的不快,他只是攤攤手,恭維對方一番,之後還大方的請大家吃飯,說是願賭服輸云云。

晚上,他躺在睡床上,回味昨夜至今早發生的事情。他的想法很奇怪,一方面怪責4號昨夜令他精力四散,讓他輸了今早的牙骹戰;另一方面又感謝她為自己釋放心中的鬱悶;令他今早神彩飛揚。想著想著,他決定明天晚上再去找4號釋放一番,慢慢地他便進入夢鄉。

翌日晚上,阿得下班後草率地填飽肚子,便心急地往按摩店裡去。

經理帶點驚訝地說:「得哥,得哥,前兩日先嚟過咋喎,咁快又有需要?係咪早兩日嗰條中女唔啱胃口呀?唔緊要,我呢度有大把好嘢,我安排個近期最紅嘅畀你呀。」

阿得笑著答:「唔駛喇,我嚟搵番4號嘅,佢手勢啱我。」

經理面有難色地說:「4號佢啱啱有客喎,你有排等呀,不如幫你安排另一個索女喇。」

阿得帶點無奈地堅持說:「咁我坐吓,沖吓涼等佢喇。」

接著,阿得慢動作的走去沖涼換衫,再走到房間中邊睡邊等,但他懷著亢奮的心情,又怎能入睡呢。他在半睡半想的狀態下,等了一個多小時,4號終於進來。過程與上次差不多,按了一會後,他們便開始交談了。

不過,他們今次談的不是乒乓球,而是自己的過去。4號背誦如流的說起公式對白,如鄉間的年老雙親、剛讀書的弟弟及體弱多病的妹妹。說完之後,她開始向他發問。

她打趣的問:「我講咗咁耐,不如你講吓吖。係喎,你上次話你好少嚟,係咪老婆睇得你好緊呢?」

阿得唏噓的說:「唉,我單身寡佬,邊有老婆吖。我成30幾歲人,係得10幾歲拍過一次拖咋。佢係我嘅初戀,亦係我唯一嘅一個女朋友呀。當年我同佢一齊打男女混雙,合拍到呢,簡直係金童玉女咁款呀。可惜,喺我22歲嗰年,佢因為受咗傷,畀人強制退役。當時教練仲調咗我去第二度,專登將我哋分隔,話唔想佢影響到我嘅表現喎。過咗幾年,我試過番去搵佢,但最後都係得個桔,咁多年嚟,有時夜欄人靜,我都會諗起佢。唉,講起上嚟,唔知佢而家點呢?」

4號聽完以後,眼淚如泉湧般灑落在他的背上,她回應說:「你當年嘅女朋友係咪叫詠兒呀?」


待續



22 則留言:

  1. 噢,人生起落了無數,還是重遇?

    回覆刪除
    回覆
    1. 兜兜轉轉咁多年,終於都再次見番喇。 :)

      呢D橋段只會出現喺故事當中,現實發生嘅機會接近零呀。 :O

      刪除
  2. 嘩嘩嘩!
    戲肉到啦

    終於知道什麼是友誼波啦

    回覆刪除
    回覆
    1. 哈哈,先友誼,後打波,為之「友誼波」。 :p

      舊相好重逢,仲要喺又狹小、又昏暗嘅房間,究竟會發生咩事情呢?

      刪除
    2. 傾計呢家嘢,只係前奏嚟咋喎,唔夠互動。 :o

      刪除
    3. 先傾計聚舊後,身體再聚舊。 :p

      刪除
    4. 舊架生最後碰「頭」了。 :p

      刪除
  3. 見番阿得...咁詠兒有無機會從良呢?

    回覆刪除
    回覆
    1. 咁就要睇吓阿得接唔接受到佢喇。 :)

      刪除
  4. 回覆
    1. 詠兒當然認到阿得喇。

      至於阿得方面,佢只係覺得詠兒好面善好熟悉,但又諗唔到點解,不過可以肯定嘅係,佢發夢都估唔到詠兒會做咗「骨妹」。

      其實以上嘅說法係有少少牽強,同埋唔現實嘅。 :p

      刪除
    2. 如果講述詠兒退役後,改名換姓,又不幸遇上車禍導致毁容,幸得肇事車主(阿德)作出賠償去整容,而肇事車主因為內疚沒面目見傷者詠兒,所以阿德認不出詠兒。

      我咁諗吓啫,哈哈!

      刪除
    3. 嘩,你呢個故事好嘢喎,幫我嘅牽強情節合理化,十個讚呀。 :o

      你都係寫故事嘅人,不如得閒喺你個blog度寫番兩篇玩玩吖,我實過去支持支持呀。 :)

      刪除
    4. 唔喇!我寫嘢好慢,又枯燥乏味。都係做讀者睇你地寫嘅故事好啲。

      刪除
    5. 都唔係吖,你個blog又有靚相又有靚景。 :)

      刪除
  5. 世純:

    無乜理由阿得認唔到詠兒架喎!

    回覆刪除
    回覆
    1. 佛爺:

      係牽強少少o架喇,將就吓喇,如果唔係冇戲唱喇。 :o

      刪除
    2. 世純:

      每7,500個人,就有一個無體味,可能詠兒連體味都無,所以阿得無法辨認.嘻嘻!

      刪除
    3. 佛爺:

      詠兒冇體味事小,體液不足事大呀,會搞到個雙方好多磨擦。 :p

      刪除