2013年2月26日星期二

絕對 - 後記


整個故事由構思、寫作及校對用大約1星期,寫作時間約20個小時,字數大約6千,全篇於2012年12月中完成,因此將此故事安排於今年2月發表。

故事靈感來自何韻詩的一首「絕對」,整個故事的內容都是虛構的。我對這故事沒有太大的感覺,我當時只是想寫一個關於父愛的故事,結局可能比較煽情。但我相信在現實世界當中,真的會有父親願意為子女犧牲一切的。

至少,小弟在年多前,見識過一位父親,為著兒子的將來,做了一件旁人認為很傻的事情。小弟看在眼內,只可為他們兩人說句無奈。




註: 各位不要亂估,小弟所說的「兒子」並不是本人。


16 則留言:

  1. 明白嘅,父母為子女真係乜都肯犧牲,前世欠咗仔女。

    係呀,啲歌可以搵靈感

    回覆刪除
    回覆
    1. 卡臣:

      D人話子女係番嚟搵父母攞債o架嘛,聽落呢句嘢真係幾有道理喎。

      生咗細路之後,細個又驚佢食唔飽,著唔暖,大個又驚佢搵唔到錢,拍唔到拖。

      唉,養兒一百歲,長憂九十九呀。

      刪除
    2. 呢個結構好呀,一正一負,三個人六面睇,人物立體很多。不是一面倒,貫徹了「絕對」這故事名:沒有嘢是絕對的。

      刪除
    3. 卡臣:

      哈哈,你觀察能力好強,咁都睇得出。我係有心寫1、3、5集係正面,2、4、6集係負面o架,先正後負,反差較大,刻意令人感覺上會負面一D。

      世事冇絕對,每個人所做嘅決定,都會好影響自己同埋身邊嘅人嘅將來。

      刪除
    4. 我的觀察力那及你啊

      「每個人所做嘅決定」<--正如佛經講的「業」,引起縺鎖反應。影響幾代人架

      刪除
    5. 係呀,萬般帶不走嘛。

      你睇佛經,有冇睇過「了凡四訓」呀?

      講嘅嘢好簡單大路,但有道理。

      刪除
    6. 無喎,要找來睇睇先,了斷凡塵? 要斷貪嗔癡和輪迥?

      刪除
    7. 了凡係明朝人,全名為袁了凡。「了凡四訓」係佢寫畀D仔嘅家訓,重點係訓示下一代多行善業,積福以改變自身嘅命運。

      睇完之後,你個人都會想做善事呀 :p

      刪除
    8. 好,多謝推介,找來睇睇

      刪除
    9. 好嘢同大家分享啫 :)

      刪除
  2. 父母對子女的愛是無條件的,情侶之愛是有條件的.在一定程度上是對的.

    回覆刪除
    回覆
    1. 你一語道破呀!除咗父母,其他嘅情都係有條件嘅,好似男女、朋友等等。

      何韻詩唱嘅「絕對 」一曲,歌詞寫得非常之好,有時間嘅話可以細味一吓。

      刪除
    2. 世純:

      我是讀愛情心理學時,教科書的第一頁,世上有兩種愛:一種是無條件的,另一類是有條件的.……

      刪除
    3. 佛爺:

      「愛情心理學」成日聽,其實係讀咩嘅呢?

      刪除
    4. 世純:

      「愛情心理學」是研究愛情的產生和維繫.愛情如何產生,沒有重大爭議性,但維繫愛情的部份,就有林林總總的理論,相當繁複,和有著對抗性的見解.

      例如,我在「有愛冇性」裡,彩嵐和友楠對於男人被女人騎過會否「撞邪」?有著嚴重分歧,背後是一個重要的心理研究學說.友楠最後認同彩嵐,認為她會使他「鴻運當頭」,他們的關係才得以繼續,否則就一拍兩散.

      刪除
    5. 佛爺:

      維繫一段愛情,真係非常困難,有幾多對最終能夠真正白頭到老吖。

      哎呀,我仲以為係友楠簡單嘅妥協添,點知原來有個心理學說喺背後o架,真係唔識喎。

      刪除