2013年2月23日星期六

絕對(5/6) - 誰才是被愛的根據 - 友叔篇(上)


出生於五十年代香港的阿友,他讀書不多,一直以揸的士為生。為了生活,他每天活在小小的車廂內,除了乘客和母親,根本接觸不到異性。三十有五的他,早已對婚姻不存希望,傳宗接代更是遙不可及的事。

但上天對他總算不錯,踏入四十之前,有次他與母親回鄉探親,經親戚介紹,結識了25歲的內地女子阿薇。交往一段時間後他們便結婚,數月後,他的女兒欣欣出世了。三年後,他們一家團聚,兩母女來港定居生活。


阿友待阿薇及欣欣如珠如寶,他覺得這是上天送給他最好的禮物,因此他不計辛苦,努力賺錢,盡力提供最好的生活給她們。雖然阿友賺錢很辛苦,而且收入不多,但現在他心中比很多人富有。一來擁有一個持家有道、年輕貌美的妻子;二來生了個聰明伶俐、孝順懂事的女兒。

時光飛逝,女兒升中學。

那時香港經歷了沙士這一幕,經濟跌至最低點,為了幫補生活,阿薇在女兒中一的時候開始出外做兼職了。大約半年之後,阿薇經街坊介紹,轉去一間酒樓做全職待應。在短短的一年多的時間,阿薇搭上了酒樓的經理並與友叔離婚。

離婚一事對友叔的打擊很大,他認為上天跟他開了一個十多年的玩笑。深宵夜欄人靜之時,獨自呆想,他真想結束自己的生命,作為一種消極的控訴。但每當他想到孝順乖巧的欣欣,這些負面的情緒便一掃而空。友叔興幸阿薇沒有跟他爭奪女兒的撫養權,如果連女兒也離他而去的話,他的人生也沒有一點意思。

友叔現在將所有的心神全投放在欣欣身上,但為了生活,父女相處的時間仍然很少。缺乏友叔的關愛,再加上被母親的拋棄,阿欣因此而一蹶不振,荒廢學業,更誤交損友。友叔看在眼內,出言勸勉和鼓勵,但都不得要領,他望著女兒現在變成這樣,心情有如寒天飲雪水般。

欣欣剛升讀中五,性格180度轉變,友叔雖不知為何,但仍十分疼錫她。後來,女兒放棄學業,投身社會工作。友叔雖覺得十分可惜,但他只要欣欣直正做人,沒有行差踏錯、誤入歧途便心滿意足。

友叔的前半生,大部份的時間都充滿無奈和不快。直到阿薇和阿欣的出現,他的生命才開始有希望。但正如俗語所說「快樂嘅時光特別快,又係時候講拜拜」,他的快樂時光只維持了十年,後來……

某日晚上11時許,友叔泊好的士後,疲累地步行回家。回到家中,剛巧阿欣正準備外出。 


待續...


 

18 則留言:

  1. 唉~~下集係咪同個女炒大鑊呀?

    男人(如我),過了半生都唔知為乜,都係及時行樂好啲
    好似sars,一浪就玩完,計唔到

    有個女,唔會養老,反而激自己.唉...

    回覆刪除
    回覆
    1. 劇透少少喇,友叔唔係同欣欣炒大鑊,不過…… :’(

      下集都有你鍾意嘅投票環節,不過今次我自己就真係唔識投喇,唉。投完記得講吓你嘅選擇原因喎,因為都幾難揀,我好想睇吓其他人係會點睇。

      我都做咗人一段時間,都係唔知為乜,終日混混噩噩,我連點樣及時行樂都唔識呀。而家呢一代,真係唔生好過生呀。生咗之後,你將所有資源投放喺佢身上,到頭來好大機會得個吉,而家冇養兒防老o架喇,佢唔學壞,自己識照顧自己已經係萬幸。

      我同D有細路嘅朋友傾過,佢哋話我唔明喎,佢哋話當我有細路,心態就會改變喎,聽完我都唔係好明 :o

      刪除
    2. 我朋友d仔女激到佢地「啤」一聲,我又無錢俾個仔學乜學物。佢大個畢業後得幾千蚊,香港政治經濟又玩X完,所以唔生囖。

      你的朋友可能失手中咗,先話有bb好

      刪除
    3. 而家養個細路真係唔簡單呀,除咗有錢之外,仲要識教呢,我又冇錢,又唔識教 :o

      佢哋幾個都唔係失手中喎,係有心造人嗰隻。其中一個friend個細路都就嚟升中學,個細路都算乖嘅,好驚阿爸。

      咁呢個friend本身又係識算命o架嘛,佢同我討論個條命,我就冇乜比意見。佢自己明知個細路第日大個都係偏向顧自己多過顧父母,但係佢哋兩公婆都一樣咁錫個細路,你話父母嘅愛幾偉大呢 :)

      我好佩服佢哋,我自己就真係暫時都去唔到呢個層次喇 :o

      刪除
    4. 咁子女恩緣由它去,也是一種業報

      刪除
    5. 嘩,你突然講咗變得咁玄嘅,差D唔認得你喎 :p

      刪除
    6. 善哉,近排睇佛經。

      刪除
    7. 學吓睇啫:P

      不過,一行禪師,不錯,去開書店就掀吓,生活化講禪

      刪除
    8. 咁我有機會都睇吓先 :)

      刪除
  2. 有個朋友個仔唔肯返學,加拿大是會控告父母的,結果用了一筆律師費至甩身.跟住個細仔又係咁,仲麻煩,宜家縮埋入房,做隱蔽童年.佢就快又被人告,佢話佢想死.

    回覆刪除
    回覆
    1. 唉,咁你個朋友真係慘喎,大仔細仔都係咁。我諗佢而家唯有收集定D証據,將來defence用喇 :(

      香港都係,如果父母唔畀子女番學,政府都會告佢哋o架。

      刪除
    2. 佢宜家個大仔肯返學,輪到個細仔唔肯返學.一浪接一浪.

      刪除
    3. 希望你朋友個大仔嘅行為可以影響到細仔,兩兄弟一齊番學喇。

      其實會唔會係佢哋喺學校遇到一D唔開心嘅事情,從而令到佢哋驚咗番學呢?因為細路仔處理問題嘅能力唔高,佢哋最常用嘅方法係逃避。

      刪除
    4. 世純:

      人地家事,我唔會出聲.佢問我點搞,我唔答.佢偏袒個細仔,做成兩兄弟自少不和,根本無得救.大仔唔服佢,細仔就橫行霸道.

      刪除
    5. 唉,家家有本難唸的經呀。不過偏心呢家嘢係都可大可少喎,如果屋企有個錢嘅話仲衰,第日分身家就……唉。

      我都聽過一對姐弟,相差十年八載。屋企重男輕女,再加上老來得子,咁父母梗係偏心到爆喇,我諗偏心嘅程度同你個朋友有得比呀。細佬當時讀初中,邊日瞓醒話唔想番學,個阿媽就幫佢請假。

      有次細佬同阿媽講,話自己唔舒服,今日唔番學,阿媽即時好緊張喇,又問個仔呢樣嗰樣。

      點知個仔話:「頭先痾完屎,屎忽窿有D痛,唔係咁舒服。」

      阿媽聽完之後答:「咁我幫你打電話番學校請假喇,你去休息吓先。」

      刪除
    6. 世純:

      宜家已經搞到家長唔想比人告,個細仔返唔返學,他們經已不再關心了.

      刪除
    7. 唉,睇嚟呢對父母都已經對自己嘅仔死心喇 :(

      刪除