2013年1月26日星期六

一枝煙的時間(3/4) - 共你竟可這麼近


Tina走了十分鐘便到達港鐵車站上蓋的商場,她草率地找點東西吃後便匆匆回家,回到家中已是晚上十時多。由於今天的工作很繁忙,加上舟車勞頓的關係,她洗澡過後便上床休息。

幾天過後,她又發表了一篇新的blog文,而這篇文章的題目為「E!你咪就係〝鬆弛熊〞!」。內容講述她星期四晚上在醫院外發生的趣事,最後,她以一幅醫院男職員的背影相片作結。Blog文發表後的數日內,她收到各式各樣回覆。

大部份的網友都拿此事取笑她,說她不應戴著頭箍素顏夜行,會嚇壞他人;又說醫院的男職員很有童真,愛與鬆弛熊搭訕。性格爽朗的Tina,她看到留言後,不但沒有介意,反而覺得他們很有趣,她一一回覆眾人的留言,並自嘲一番。

過幾天之後,一向留言抵死啜核的資深網友「法蘭克福街」留了個簡單的留言給她。翌日Tina看到留言以後百思不得其解,為何今次他的留言會如此沒有新意,照抄她的題目便算,於是她便回覆揶揄他一番。接著,他們你來我往的,在她的網誌上對話起來。以下是他們的大致對答:

法:「E!你咪就係〝鬆弛熊〞!」

鬆:「喂,福街先生,乜你今次嘅留言咁敷衍嘅,照抄我條題目就算 :(」

法:「唉,今次我真係〝人如其名〞呀,〝法蘭克,福街了〞,唉,最衰都係你囉。」

鬆:「你講咩呀?關我咩事先?」

法:「你囉,成日亂影相,係又影,唔係又影。今次仲要喺醫院門口影添喎,你知唔知你影咗D唔應該影嘅嘢呀 ?」 

鬆:「唔係咁邪呀 :o」 

法:「就係咁邪,講你都唔信呀。」

鬆:「喂,唔好嚇我喇,張相有咩jack???」 

法:「張相入面,咪有我喺度囉。」

鬆:「吓 :o吓 :o吓 :o即係嗰晚個職員就係你嚟呀?」 

法:「係呀,我見到素顏真人〝鬆弛熊〞呀 :D」 

鬆:「哈~~~你平時咁仰慕我,咁你星期四嗰晚唔即時問我攞簽名嘅?」 

法:「你唔放我張相上網,我鬼知你係〝鬆弛熊〞咩。」

鬆:「咁又係喎,但係話時話,點解你話我衰呀?我影得你背影唔靚仔呀?」

法:「唉,我D同事都有睇你個blog,咁咪畀佢哋知道我嗰晚做operation前蛇咗出嚟食煙囉,累到我事後畀阿頭鬧呀。」 

鬆:「哎呀, SORRY~ SORRY呀,無心之失呀 :o 」 

法:「你剩係識講sorry,冇咩誠意喎。」 


鬆:「咁呀,下次過嚟探人,順便請你食飯補數囉。」

法:「吓,順便咋,不過都好喇,好過冇喇。我e咗我電話號碼畀你,whatsapp再約喇。

鬆:「收到,whatsapp繼續  :)」

經過此事之後,「鬆弛熊」與「法蘭克福街」便由網友的層次,提升至現實世界的朋友。現在,他們除了在網誌上留言外,還會間中透過whatsapp對話。

「法蘭克福街」是一名男護士,而他的真名為Frank,他在網上認識Tina已經超過兩年。大約一年前,他見證悲痛欲絕的Tina與男朋友分手,當時各方好友紛紛留言安慰她,Frank亦是其中之一。當時的他更對Tina戲言說,如果需要肩膀時可找他。


待續



22 則留言:

  1. 對煙的故事冇乜興趣

    回覆刪除
    回覆
    1. 難得你冇興趣都肯花時間留個言,多謝你 :)

      刪除
  2. 下次天娜係醫院暈低,男護士幫佢做人工呼吸,鬆弛!鬆散乎?

    回覆刪除
    回覆
    1. 人工呼吸後,天娜的確鬆弛了,但男護士卻...... :p

      刪除
    2. 男護士卻 ..... 頸背冒汗¬¬ .....

      過了一會,天娜軟柔地說:『法蘭克,你已經克制唔到,你下邊支煙著火喇!等鬆弛熊用手幫你鬆弛,鬆弛一下喇!』

      只是一支煙的時間,法蘭克對天娜的戀慕,就盡情地表達了。

      刪除
    3. 我想含蓄地為你的結局補充一句 :p

      天娜將他的表「白」全數接收後,一臉熱「情」的對著法蘭克微笑。

      刪除
    4. 天娜舌頭伸出數下,舐著唇瓣一會,陶醉地說:『Yummy Yummy!』

      刪除
  3. 網上情願work個噃,容易開始容易終結,希望下集來個無記結局式婚禮。

    回覆刪除
    回覆
    1. 係呀,當年有個朋友,喺icq識咗個大佢兩年多嘅女仔,之後一路拍拖,最後結埋婚添。

      下集又有得投票喇,到時你揀出你最愛嘅結局喇。 :p

      刪除
    2. 好呀,玩投票互動一下,

      希望下集有BBQ場面啦:)

      刪除
    3. 我諗會令你失望喇,由於budget有限,所以冇安排bbq場面喎,剩係得一個把酒談心嘅場境咋 :o

      刪除
    4. 都好呀,開支「啦飛」。

      刪除
    5. 82年嘅???飲唔起喎 :o

      飲house red算喇 :p

      刪除
  4. 回覆
    1. 梗係呀,同愛人一齊,就算飲Jolly Sandy都會醉呀 :)

      刪除
  5. 呵呵,我膊頭都枕得吓,但寫博咁多年都冇失意嘅女博友騷我 :(

    回覆刪除
    回覆
    1. 唔駛失望,因為呢D情節只會出現喺故事當中,現實生活會發生嘅機會接近零呀 :)

      刪除
  6. Laulong隱藏事實,其實好多女。

    回覆刪除
    回覆
    1. 哈哈,咁要叫佢介紹吓畀大家喇 :p

      刪除
    2. 唔會啩,獨樂樂不如眾樂樂喎。 :p

      刪除